फाइल फोटो
काठमाडौं- नेकपा एमालेकी सांसद विद्या भट्टराईले सरकार सहकारीबाट पीडित नागरिकहरुको समस्या समाधानमा गम्भीर नबनेको आरोप लगाएकी छन् । आइतबार प्रतिनिधि सभाको बैठकमा शून्य समयमा बोल्दै उनले यस्तो बताएकी हुन्।
पोखरा महानगरमा ३६७ वटा सहकारी रहेको र त्यसमध्ये १६ वटा सहकारी संस्थाको बचत जोखिममा रहेको उनले बताइन्। तर, सरकारले यो विषयलाई गम्भीर रुपमा नलिएको उनको गुनासो छ।
सहकारी क्षेत्र सुधार सुझाव कार्यदलले सहकारी सञ्चालन प्रक्रियामा विचलन आएको भनी गत भदौ २५ गते नै सरकारलाई सुझाएको उल्लेख गर्दै उनले भनिन्, ‘सूर्य दर्शन सहकारीका मुख्य सञ्चालकहरूलाई फरार सूचीमा राखी सरकार रमिता हेरिहरको छ। रकम हिनामिना गर्ने व्यक्तिलाई कारबाहीलाई गर्न कसले रोक्यो? म सरकारसँग स्पष्ट जानकारी माग गर्दछु।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
