मौसम पूर्वानुमान: यी स्थानमा हुनेछ वर्षा र हिमपात

समाज

नेपाल लाइभ बुधबार, फागुन ९, २०८० ०७:०७

काठमाडौं- हाल नेपालमा पश्चिमी निम्न चापीय प्रणालीको प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अहिले बिहान मधेस प्रदेश र बागमती प्रदेशमा साधारणतया बदली तथा बाँकी भू–भागमा मौसम आंशिक बदलीदेखि मुख्यतया सफा रहेको छ। गण्डकी प्रदेशको एक वा दूई स्थानमा हल्का वर्षा भइरहेको महाशाखाले बताएको छ।

बुधबार दिउँसो देशभर आंशिकदेखि साधारणतया बदली रहनेछ। मधेस प्रदेश लगायत देशका पहाडी भू–भागका थोरै स्थानहरूमा मेघ गर्जन/चटयाङसहित हल्का वर्षाको सम्भावना रहेको महाशाखाले जनाएको छ।

देशका उच्च पहाडी तथा हिमाली भू–भागका केही स्थानहरूमा हल्कादेखि मध्यम हिमपातको साथै बाँकी उच्च पहाडी तथा हिमाली भू–भागका थोरै स्थानहरूमा हल्का हिमपातको सम्भावना रहेको पनि महाशाखाले जनाएको छ।

राति देशभर आंशिकदेखि साधारणतया बदली रहने महाशाखाले बताएको छ।

सुदूरपश्चिम प्रदेश, कर्णाली प्रदेश र गण्डकी प्रदेशका थोरै स्थानहरूमा तथा देशका बाँकी पहाडी भू–भागका एक वा दुई स्थानमा मेघ गर्जन/चटयाङसहित हल्का वर्षाको सम्भावना रहेको छ।

देशका उच्च पहाडी तथा हिमाली भू–भागका केही स्थानहरूमा हल्का हिमपातको सम्भावना रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएलमा पहिलोपटक जनकपुरको ब्याटिङ लाइन कोल्याब्स, १२ ओभरमै अलआउट, सुदूरको चौथो जीत

सामान्य लक्ष्य पाएको जनकपुरले सस्तैमा गुमायो पाँच विकेट, अनिल शून्यमा आउट हुँदा आशिफ पनि चार रन मात्र बनाउँदै पेभिलियन फर्किए

जनकपुरका बलरसामू सुदूरपश्चिमका ब्याटर चल्न सकेनन्, दियो १२४ रनको सामान्य लक्ष्य