वुमन्स प्रिमियर कप: भुटानले नेपाललाई दियो ६६ रनको लक्ष्य

क्रिकेट

नेपाल लाइभ आइतबार, माघ २८, २०८० ०८:४३

काठमाडौं– एसियन क्रिकेट काउन्सिल (एसीसी) वुमन्स प्रिमियर कपको दोस्रो खेलमा नेपालले भुटानविरुद्ध जितका लागि ६६ रनको लक्ष्य पाएको छ।

मलेसियामा जारी प्रतियोगिताअन्तर्गत आइतबार भएको खेलमा पहिले ब्याटिङ गरेको भुटानले निर्धारित २० ओभरमा ४ विकेट गुमाउँदै ६५ रन बनायो। भुटानका लागि न्गावांग चोडेनले सर्वाधिक २५ रन बनाइन्। ५० बलको सामना गरेकी उनले १ चौका हिर्काइन्।

भुटानकी कप्तान देचेन वाङ्मोले १७ रन बनाइन्। २१ बल सामना गरेकी उनले ३ चौका हिर्काइन्। छिरिङ जाङ्ग्मोले १७ रन बनाइन्।

भुटानविरुद्ध नेपालकी कविता कुँवर, सीता राना मगर, इन्दु बर्मा र कविता जोशीले समान १–१ विकेट लिए।

नेपालले पहिलो खेलमा शनिबार हङकङलाई ८ विकेटले हराएको थियो। टी २० फर्म्याटमा भइरहेको प्रतियोगिताबाट एसिया कप खेल्ने टिमको छनोट हुने छ। नेपालले तेस्रो खेल फागुन १ गते माल्दिभ्ससँग खेल्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भारतकाे लद्दाखमा भूकम्पको धक्का

अमेरिकी एयरलाइन्सको विमानकाे इन्जिनमा आगलागी भएपछि अवतरण

सन् २०२४ मा सात देशले मात्र पूरा गरे डब्लुएचओको वायु गुणस्तर मापदण्ड