काठमाडौं– क्यानडाविरुद्धको ३ दिन एकदिवसीय सिरिजअन्तर्गत शनिबारको दोस्रो खेलमा ओपनिङ ब्याटरका रुपमा क्रिज सम्हालेका अनिल साहले कीर्तिमानी अर्धशतक बनाएका छन्।
१९ बलमा ५० रन पूरा गर्दै अनिलले एकदिवसीय क्रिकेटमा सबैभन्दा छिटो अर्धशतकको राष्ट्रिय कीर्तिमान बनाएका हुन्।
यसअघि आसिफ शेखले गत वर्ष पपुवा न्यु गिनीविरुद्ध २१ बलमा अर्धशतक बनाएका थिए। आसिफको कीर्तिमान तोड्दै अनिलले १९ बलमै ५० रन पूरा गरेका हुन्।
आसिफले २१ बलमा ८ चौका र ३ छक्का हिर्काएका थिए। अनिलले शनिबार १९ बलमा ७ चौका र ३ छक्का हिर्काए।
२०औं बलको सामना गर्दा अनिललाई क्यानेडियन बलर ईश्वरजोत सोहीले एलबीडब्लू धरापमा पारे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
