काठमाडौं– एसियन क्रिकेट काउन्सिल (एसीसी) वुमन्स प्रिमियर कपको पहिलो खेलमा नेपालले हङकङविरुद्ध सानदार जित निकालेको छ। प्रतियोगिताको पहिलो दिनमा भएको खेलमा नेपालले हङकङलाई ८ विकेटले हरायो।
हङकङले दिएको ९४ रनको लक्ष्य नेपालले १४.१ ओभरमा मात्र २ विकेट गुमाएर पुरा गर्यो। नेपालका लागि कप्तान इन्दु बर्माले सर्वाधिक ४० रन बनाइन्। ३३ बलको सामना गरेकी उनले एउटा छक्का र ३ वटा चौका प्रहार गरिन्।
यस्तै, सीता राना मगरले ३६ रन बनाइन्। ३८ बलको सामना गरेकी सीताले १ छक्का र एउटा चौका प्रहार गरिन्।
नेपालकी ओपनिङ ब्याटर कविता कुँवर भने ४ रनमै आउट भइन्। तेस्रो नम्बरमा क्रिजमा आएकी रुविना भने शून्य रनमा नटआउट रहिन्।
मलेसियाको सेलांगुर टर्फ क्लबमा टस हारेपछि पहिले ब्याटिङको निम्तो पाएको हङकङले निर्धारित २० ओभरमा ८ विकेट गुमाउँदै ९३ रन बनाएको थियो। हङकङका लागि कप्तान क्यारी चानले २१ रन बनाइन्। यस्तै, मरियम बिबीले १९, यास्मिन दसवानीले १५ र नतशा माइल्सले ११ रन बनाइन्।
हङकङविरुद्ध नेपालकी पूजा महतो र रुविना क्षेत्रीले २–२ विकेट लिए। यस्तै, कविता जोशी र सीता रानामागरले १–१ विकेट लिइन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
