काठमाडौं– सन् २०२४ को पहिलो महिना जनवरीमा ७९ हजार १ सय विदेशी पर्यटक नेपाल आएका छन्। नेपाल पर्यटन बोर्डका अनुसार यो गत वर्ष सोहि महिनाको तुलनामा २४ हजार २६ ले बढी हो।
२०२३ जनवरीमा ५५ हजार ७४ पर्यटक नेपाल भ्रमणमा आएका थिए। सरकारले गत वर्षको तुलनामा यस वर्ष दोब्बरले पर्यटक बढाउने घोषणा गरिसकेको छ।
जनवरीमा सबैभन्दा बढी भारतीय पर्यटक नेपाल भित्रिएको बोर्डले जनाएको छ। भारतबाट २४ हजार १ सय ३९ नेपाल भ्रमणमा आएका छन्।
दोस्रोमा चीनबाट ७ हजार २ सय ६७ आएका छन्। तेस्रो अमेरिकाबाट ७ हजार ४७ नेपाल भ्रमणमा आएको बोर्डले जनाएको छ। चौथो नम्बरमा थाइल्यान्ड छ। त्यहाँबाट ४ हजार ६ सय १९ आएका छन्।
त्यस्तै दक्षिण कोरियाबाट ३ हजार ८ सय १२, बंगलादेश ३ हजार ६ सय २९ र अस्ट्रेलियाबाट ३ हजार ४ सय २१, बेलायत ३ हजार २ सय ७६, भुटान २ हजार २ सय २९ र जापानबाट १ हजार ५ सय ६८ पर्यटक आएका छन्।
यो महिनामा कूल ८१ हजार ८ सय ९७ जना नेपालबाट विदेशिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
