काठमाडौं– आईसीसी यू–१९ विश्वकपको सुपर सिक्स खेलमा बंगलादेशविरुद्ध मैदानमा उत्रिएको नेपालको पहिलो विकेट गुमेको छ। नेपालका ओपनर विपिन रावल २ रन बनाएर आउट भए।
१२ बल खेलका रावलले जम्मा २ रन मात्रै जोड्न सके। उनी बंगलादेशका बलर मारुफको बलमा क्याचआउट भएका भए। टस जितेर ब्याटिङ रोजको नेपाल ५ ओभर १ विकेटको क्षतिमा २३ रन बनाएर खेलिरहेको छ।
नेपाल यसअघि समूह चरणमा अफगानिस्तानलाई १ विकेटले हराएर सुपर सिक्समा पुगेको थियो। सुपर सिक्सको यात्रा तय गर्दासम्म नै महत्त्वपूर्ण उपलब्धि हासिल गरेको नेपाल बंगलादेशलाई पनि हराएर आफ्नो सनसनीपूर्ण यात्रालाई जारी राख्न चाहन्छ।
बुधबारको खेलमा नेपालले बंगलादेशलाई हराए पनि सेमिफाइनलको सम्भावना भने समाप्त भइसकेको छ। सुपर सिक्सको समूह ‘एक’ मा रहेका भारत र पाकिस्तानले पहिलो खेलमा जित निकालेपछि नेपालका लागि सेमिफाइनलको यात्रा समाप्त भएको हो।
सुपर सिक्सअन्तर्गत मंगलबार भएको पहिलो खेलमा भारतले न्यूजिल्याण्डलाई २१४ रनले पराजित गर्यो। यस्तै, पाकिस्तानले आयरल्याण्डलाई ३ विकेटले पराजित र्गयो। सुपर सिक्सको समूह ‘एक’मा भारत र पाकिस्तानको ६–६ अंक पुगेको छ।
समूह चरणमा नेपाल पाकिस्तान र न्यूजिल्याण्डसँग पराजित भएको थियो। समूह चरणमा भारत र पाकिस्तान सबै ३ खेल जितेका थिए। विश्वकप खेलेका १६ टोलीलाई सुरुमा ४ समूहमा विभाजन गरिएको थियो। ४ समूहबाट शीर्ष ३ टोली सुपर सिक्समा पुगेका थिए।
सुपर सिक्सको समूह ‘एक’मा भारत, बंगलादेश, न्यूजिल्याण्ड, पाकिस्तान, नेपाल र आयरल्यान्ड छन्। सुपर सिक्स ‘दुई’मा अस्ट्रेलिया, श्रीलंका, वेस्टइन्डिज, दक्षिण अफ्रिका, इंग्ल्यान्ड र जिम्बावे छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
