यू–१९ विश्वकप: दोस्रो खेलमा नेपाल पाकिस्तानसँग पाँच विकेटले पराजित

क्रिकेट

नेपाल लाइभ बुधबार, माघ १०, २०८० २१:३०

काठमाडौं– यू–१९ विश्वकप क्रिकेट प्रतियोगिता अन्तर्गत नेपाल पाकिस्तानसँग पाँच विकेटले पराजित भएको छ।

टस जित्दै पहिले ब्याटिङ गरेको नेपालले निर्धारित ५० ओभरमा सबै विकेट गुमाउँदै १९७ रन बनाएको थियो। १९८ रनको लक्ष्य लिएर ब्याटिङमा उत्रिएको पाकिस्तानले ४७ दशमलव ४ ओभरमा ५ विकेट गुमाउँदै लक्ष्य पूरा गर्‍यो। यू–१९ विश्वकपमा पाकिस्तानको यो दोस्रो जित हो।

नेपाललाई पराजित गर्ने क्रममा पाकिस्तानका मध्यक्रमका ब्याटर अजान अवाइसले अर्धसतकीय इनिङ्स खेले। ८२ बलको सामना गरेका उनले नटआउट ६३ रनको योगदान गरे।

यस्तै पाकिस्तानका श्यामेल हुसैनले र शहजिब खानले ३७/३७ रनको योगदान दिए भने अहमद हसनले २९ रन जोड्दा हारुन अर्शदले नटआएट १५ रनको योदान दिए।

नेपालका लागि आकाश चन्दले तीन विकेट लिए। दिपेश कँडेल र आकाश त्रिपाठीले १/१ विकेट लिए।

यसअघि ब्याटिङ गरेको नेपालका ओ‌पनर विपिन बोहोराले सर्वाधिक ३९ रन जोडेका थिए। दीपक डुम्रेले २६, कप्तान देव खनालले २३ रन जोड्दा सुवास भण्डारीले २० रन जोडे भने गुलशन झाले १८ तथा आकाश चन्दले १५ रन जोडे।

दीपेश कँडेलले १३ रन जोड्‍दा ओपनर अर्जुन कुमाल र आकाश त्रिपाठीले ६/६ रन बनाए भने उत्तम थापामगर ४ रनमा आउट भए।

पहिलो पावर प्लेमा दुई विकेट गुमाए पनि नेपालले उत्कृष्ट सुरुवात गरेको थियो। तर पाकिस्तानी स्पिनरसामु मध्यक्रमका नेपाली ब्याटर धराशायी बने।

पाकिस्तानका लागि अरफत मिनासले ३ विकेट लिए। यस्तै अहमद हुसैन र उबैद साहले २/२ तथा खुबैब खलिल, महम्मद जिसान र अली असफन्दले १/१ विकट लिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जम्मु कश्मीरमा भएको आतंकवादी हमलाको नेपाल सरकारद्वारा निन्दा

डोटीमा सवारी दुर्घटना, तीन जनाको मृत्यु

जम्मु कश्मीरमा भएको आतंकवादी हमला प्रति परराष्ट्रमन्त्रीद्वारा दुःख व्यक्त