काठमाडौं– २३औं सशस्त्र प्रहरी दिवस २०८० को उपलक्ष्यमा नेपाली सेना र सशस्त्र प्रहरी बलबीच माघ ३ गते प्रधान कार्यालय हलचोकस्थित एपीएफ रंगशालामा मैत्रीपूर्ण फुटबल प्रतियोगिता गरिएको छ।
३५ वर्षभन्दा माथिका वरिष्ठ अधिकृत तथा अधिकृतहरुको सहभागिता रहेको मैत्रीपूर्ण फुटबल प्रतियोगितामा सशस्त्र प्रहरीको तर्फबाट सशस्त्र प्रहरी महानिरीक्षक राजु अर्याल र नेपाली सेनाको तर्फबाट उपरथी सन्तोष कुमार ढकाल टिम क्याप्टेन रहेका थिए।
-1705502415.jpg)
प्रतियोगितामा नेपाली सेनाको टिमले सशस्त्र प्रहरी बल नेपालको फुटबल टिमलाई २–० को अन्तरले जित हासिल गरी विजयी भएको छ। महानिरीक्षक राजु अर्यालले सशस्त्र प्रहरी बल नेपाल र उपरथी सन्तोष कुमार ढकालले नेपाली सेनाको तर्फबाट एक आपसमा मायाको चिनो आदान–प्रदान गर्नुका साथै महानिरीक्षक अर्यालले विजयी टिमका खेलाडीहरु, प्रशिक्षक र टिम म्यानेजरलाई प्रशंसापत्र समेत प्रदान गरे।
शान्ति सुरक्षा तथा विपद् व्यवस्थापन लगायतका कार्यहरुमा समन्वय र सहकार्य गर्दै अगाडी बढिरहेको नेपाली सेना र सशस्त्र प्रहरी बीच समय–समयमा यस्ता किसिमका खेलकुद प्रतियोगिता लगायत अन्य गतिविधिहरुसमेत गरिँदै आएको छ।
-1705502416.jpg)
खेलकुद प्रतियोगितामा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम र वंशीराज दाहाल लगायत नेपाली सेना र सशस्त्र प्रहरी बल नेपालका अधिकृत तथा विल्लादार जवानहरुको उपस्थिति रहेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
