काठमाडौं– प्रधानमन्त्री कप महिला टी–२० राष्ट्रिय क्रिकेट प्रतियोगिताको उपाधि सशस्त्र प्रहरी बलको एपीएफ क्लबले जितेको छ। बुधबार कीर्तिपुरस्थित त्रिवि क्रिकेट मैदानमा कोशी प्रदेशलाई ११ रनले पराजित गर्दै एपीएफले उपाधि जितेको हो।
पहिले ब्याटिङ गरेको एपीएफले जितका लागि कोशीलाई ११५ रनको लक्ष्य दिएको थियो। जवाफी ब्याटिङमा उत्रिएको कोशीले निर्धारित २० ओभरमा ४ विकेट गुमाएर मात्र १०३ रन बनाउन सक्यो।
कोशीका लागि कप्तान रुबिना क्षेत्रीले ६२ रन जोडिन्। कोशीलाई अन्तिम ओभरमा जितका लागि १६ रन चाहिएको थियो। कप्तान क्षेत्री अन्तिम ओभरको पहिलो बलमा आउट भएपछि अन्य ब्याटरले जितसम्म पुर्याउन सकेनन्।
कोशीका लागि काजल श्रेष्ठले २२ रन जोड्नु बाहेक अन्य ब्याटरले राम्रो स्कोर बनाउन सकेनन्।
कोशीविरुद्धको बलिङमा एपीएफका करुणा भण्डारी र कप्तान सीता रानामगरले १–१ विकेट लिए।
सुरुवाती ब्याटिङ गर्दा एपीएफका लागि इन्दू बर्माले ५३ रनको अर्धशतकीय पारी खेलिन्। उनले ४७ बलमा ६ चौका र १ छक्का प्रहार गरिन्। ओपनर ज्योति पाण्डेले २७ रन र रोमा थापाले १४ रन बनाइन्।
एपीएफविरुद्धको बलिङमा कोशीकी अप्सरी बेगमले ह्याट्रिक गरिन्। बेगमले एपीएफविरूद्ध अन्तिम ओभरको पहिलो ३ बलमा लगातार विकेट लिएर ह्याट्रिक गरेकी हुन्।
उनले २०औं ओभरको पहिलो बलमा एपीएफका लागि अर्धशतक बनाएर खेलिरहेकी इन्दू बर्मालाई नमिता श्रेष्ठबाट क्याच गराइन्। दोस्रो बलमा नेरी थापालाई विकेटकिपर काजल श्रेष्ठबाट स्टमपिन गराउदा तेस्रो बलमा सोनु खड्कालाई बोल्ड गरिन्।
बलिङमा कोशीकी बेगमले ह्याट्रिक गर्दै ३ विकेट लिँदा एलिसा खडियाले २ विकेट लिइन्। पहिलो इनिङ्समा एपीएफले ७ विकेट गुमाएर ११४ रन बनाएको थियो। एपीएफ प्रतियोगितामा अपराजित रहँदै उपाधि जित्न सफल भयो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
