पर्यटकको सहजताका लागि झापामा ‘ट्रस ब्रिज’ निर्माण

पूर्वाधार

नेपाल लाइभ आइतबार, पुस ८, २०८० ०७:०७

प्रतिकात्मक तस्बिर

बनियानी– झापाको शिवसताक्षी नगरपालिकास्थित पर्यटकीय क्षेत्र दोमुखामा ‘ट्रस ब्रिज’ निर्माण गरिएको छ। यहाँ आउने पर्यटकको सजहताका लागि दोमुखास्थित नुनमाटी खोलामा ट्रस ब्रिज निर्माण गरिएको हो। यो ट्रस ब्रिज ३३ लाख ७५ हजार ८७१ रुपैयाँको लागतमा निर्माण भएको हो।

संघीय झोलुङ्गे पुल क्षेत्रगत कार्यक्रमअन्तर्गत २८ लाख ६९ हजार ४९०, शिवसताक्षी नगरपालिकाको ४ लाख ३८ हजार ८६३ र जनसहभागिता ६७ हजार ५१७ रहेको नगरप्रमुख मेगाहाङ्ग थोप्राले जानकारी दिए।२४ मिटर लामो ट्रस ब्रिज निर्माणपश्चात् दोमुखमा आन्तरिक तथा बाह्य पर्यटकको आगमन वृद्धि हुने अपेक्षा गरिएको उनले बताए।

पछिल्लो समय आन्तरिक तथा बाह्य पर्यटकको आकर्षणको केन्द्र बन्दै गएको दोमुखामा पर्यटक लक्ष्यित सडकलगायत पूर्वाधार निर्माण भइरहेका छन्। यहाँ पालिकासँगै प्रदेश र सङ्घीय सरकारले पुल, सडकलगायत अन्य भौतिक पूर्वाधार निर्माणमा लगानी गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निस्सासिएर मजदुरको ज्यान गयो

जापानको औसत तापक्रम उच्च हुने सम्भावना

अन्तर्राष्ट्रिय खुला कराते च्याम्पियनसिपको उपाधि नेपाललाई