गगन थापाको दाबी- एनसेल प्रकरणमा राजनीतिक र प्रशासनिक नेतृत्वको साँठगाँठ छ

राजनीति

नेपाल लाइभ शुक्रबार, मंसिर २२, २०८० १७:४२

काठमाडौं- नेपाली कांग्रेसका महामन्त्री तथा सांसद गगनकुमार थापाले एनसेलको सेयर खरिद-बिक्री प्रकरणमा राजनीतिक र प्रशासनिक नेतृत्वको साँठगाँठ रहेको दाबी छन्।

शुक्रबार प्रतिनिधि सभाको राज्य व्यवस्था तथा सुशासन समितिको बैठकमा बोल्दै सांसद थापाले एनसेलको सेयर खरिद-बिक्री प्रकरणमा राजनीतिक र प्रशासनिक नेतृत्वको ठूलो साँठगाँठ भएको दाबी गरेका हुन्।

‘राजनीतिक र प्रशासनिक नेतृत्वको भरथेग र भरोसा बिना एनसेलको सेयर खरिद-बिक्री भएको छैन। सरकारले छानबिन समिति बनाएको अवस्थामा सो समितिको काम, कारबाहीलाई राज्य व्यवस्था तथा सुशासन समितिले हेर्नुपर्छ, ’ उनले भने।

छानबिन समितिले यो प्रकरणलाई ढाकछोप गर्न सक्ने भन्दै थापाले त्यसको अनुगमन संसदीय समितिले गर्नुपर्ने बताए। उनले सो प्रकरणको ढाकछोप हुन खोजे संसदीय समितिले सो प्रयत्नलाई तोड्नुपर्ने धारणा राखे।

थापाले भने, ‘म के कुरा दाबाका साथ भन्न सक्छु भने, एनसेलको सन्दर्भमा जे कुराहरु भएको छ, त्यो रातारात अहिले भएको होइन। यसमा राजनीतिक नेतृत्व, प्रशासनिक नेतृत्वको ठूलो साँठगाँठ, ठूलो भरथेग, ठूलो भरोसा नभई यो प्रकरण भएको छैन। यो गलत हो भन्ने लागेको भए सरकार सिधा कारबाहीको प्रक्रियामा जानुपर्थ्यो।’

मन्त्रिपरिषद्ले निर्णय गरेर समिति बनाएकोले अब बल समितिको कोर्टमा छ भन्दै उनले त्यो समितिले ठिक ढंगले काम गर्छ कि गर्दैन, समितिको बनोट आफैँमा ठिक छ कि छैन, यसलाई ढाकछोप गर्न पो समितिले लिएर जाने हो कि, यो सबै फुस्सा बनाउनेतिर पो जाने हो कि भन्ने हो कि भन्ने आशंका गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रुसी राष्ट्रपति पुटिन र चीनियाँ राष्ट्रपति जिनपिङबीच भेटवार्ता

बढ्दो तनाव पछि भारत र पाकिस्तानको शेयर बजारमा भारी मात्रामा गिरावट

बजाज ग्रान्ड एक्सचेन्ज मेलाः नागरिकता मात्रैले बाइक पाइने