यू–१९ एसिया कप– अर्धशतक बनाएर आउट भए उत्तम मगर

क्रिकेट

नेपाल लाइभ शुक्रबार, मंसिर २२, २०८० १४:२१

काठमाडौं– यू–१९ एसिया कपअन्तर्गत पाकिस्तानविरुद्ध जारी खेलमा नेपालका लागि उत्तम थापा मगरले अर्धशतक बनाएका छन्। नेपाली ब्याटिङ लाइन धर्मराएको समयमा उनले इनिङ उकास्दै अर्धशतक समेत बनाएका हुन्।

७६ बलको सामना गरेका उनले ५१ रन बनाए। अमिर हसनले आफ्नै बलमा क्याचआउट गर्दै उत्तमलाई पेभेलियन फर्काए।

त्यसअघि ओपनर अर्जुन कुमाल ३७ बलमा २१ रन बनाएर आउट भएका थिए। उनी मोहम्मद जीसमको बलमा विकेटकिसपर साद बागबाट क्याचआउट भए।

नेपालका लागि दिपेश कँडेलले महत्त्वपूर्ण ३१ रनको योगदान दिए। उनले २ चौका र १ छक्काको मद्दतमा ५९ बलमा ३१ रन बनाए।

नेपालका अन्य ब्याटरले भने दोहोरो अंक जोड्न सकेनन्। कप्तान देव खनालले १३ बल सामना गर्दा शून्य रनमै पेभेलियन फर्किए। सिनियर टिमका नियमित सदस्य गुलशन झाले समेत पाकिस्तानी बलर झेल्न सकेनन्। उनी ४ बलमा ३ रन बनाएर बाहिरिए।

ओपनर तिलक भण्डारी ७, विशाल विक्रम केसी १ र विपिन रावल शून्यमै बाहिरिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रविको थुनछेक बहस सकियो, आजै आदेश आउने

स्वयम्भूबाट अभिनेत्री तथा अभियान्ता आशिका तामाङ पक्राउ

सरकार ढल्ने चर्चा बजार हल्ला मात्रै हो, सकारात्मक दूरगामी महत्वको नीति निर्माणमा हामी सक्रिय छौं : प्रधानमन्त्री ओली