एस्टन भिल्लासँग डिफेन्डिङ च्याम्पियन सिटीको हार, चौथो स्थानमा झर्‍यो

फुटबल

नेपाल लाइभ बिहीबार, मंसिर २१, २०८० ११:२९

काठमाडौं– इंग्लिस प्रियमिर लिगको डिफेन्डिङ च्याम्पियन म्यानचेस्टर सिटीले एस्टन भिल्लासँग हार बेहोरेको छ। नेपाली समयानुसार बुधबार राति भएको खेलमा सिटी भिल्लासँग १–० गोल अन्तरले पराजित भयो।

स्टार खेलाडी अर्लिङ हालाण्डसहित मैदानमा उत्रिएको सिटीलाई भिल्लाले निरन्तर दबाबमा राखेको थियो। पहिलो हाफ गोलरहित बराबरीमा सकिएको थियो। तर दोस्रो हाफमा गोल गर्दै भिल्लाले घरेलु मैदानमै सिटीलाई निराश बनायो।

भिल्लाको जितमा खेलको एक मात्र गोल बेलीले गरे। ७४ औं मिनेटमा टेलिम्यानको पासमा बेलीले गोल गरेका थिए।

एस्टन भिल्लाले सिटीको पोस्टमा २३ पटक आक्रमण गर्दा सिटीले जम्माजम्मी २ पटक मात्रै आक्रमण गर्न सक्यो। यो हारसँगै सिटीले प्रिमियर लिगका पछिल्ला लगातार ४ खेलमा जितबिहीन भएको छ। यसअघिका तीन खेल बराबरीमा सकाएको सिटीले पछिल्लो चौथो खेलमा हार बेहोरेसँगै अंक तालिकको चौथो स्थानमा झरेको छ। ४ खेलअघिसम्म शीर्ष स्थानमा रहेको सिटी चौथो स्थानमा झर्दा भिल्ला भने तेस्रो स्थानमा उक्लिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चलचित्र ‘राजकुमारी’को निर्माण घोषणा

पाकिस्तानमा एमबीबीएस र अन्य विषय अध्ययनरत नेपालीले भने, ‘नेपाल सुरक्षित फर्कन चाहन्छौं’

भारत–पाकिस्तान तनावः भारतद्वारा ३२ विमानस्थलबाट नागरिक उडान बन्द