त्रिभुवन अन्तर्राष्ट्रिय विमानस्थल (फाइल तस्बिर)
काठमाडौं– काठमाडौंको त्रिभुवन अन्तर्राष्ट्रिय विमानस्थलबाट एयर चाइनाको जहाजमार्फत् चीन जान लागेका एक यात्रुको ह्यान्डब्यागमा आगो लागेको छ। ह्यान्डब्यागमा रहेको पावर बैंक पड्किर आगो लागेको विमानस्थल स्रोतले जानकारी दिएको छ।
आगो तत्काल नियन्त्रणमा लिएकोले अन्यत्र फैलिन नपाएको त्रिभुवन अन्तर्राष्ट्रिय विमानस्थलका प्रवक्ता सुभाष साहले जानकारी दिएका छन्।
बोर्डिङ पास लिएर विमान कुरेर प्रतिक्षालयमा बसिरहेका ती यात्रुको ब्यागमा एक्कासी आगो देखिएको र बुझ्दै जाँदा पावर बैंकमा जोडेर आइप्याड चलाइरहेका जानकारी पाएको साहले बताए।
अन्य क्षति केही नभएको र अवस्था सामान्य रहेको पनि साहले बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
