धनगढी–दीपायल द्रुतमार्गमा कालोपत्र सुरु

पूर्वाधार

नेपाल लाइभ शुक्रबार, मंसिर १५, २०८० १२:०४

गोदावरी– धनगढी–खुटिया–विपीनगर–दीपायल द्रुतमार्गमा कालोपत्र गर्न सुरु भएको छ। धनगढी–स्याउले सडकखण्डमा कालोपत्रको काम सुरु भएको सडक योजना कार्यालयले जनाएको छ।

कार्यालयका प्रमुख लक्ष्मण रावलका अनुसार धनगढी–खुटिया–विपीनगर–दीपायल द्रुतमार्गअन्तर्गत धनगढी–स्याउले सडकखण्डको १३.४ किलोमिटर कालोपत्र गर्न थालिएको हो। गत आर्थिक वर्षमा बजेट अभावका कारण अलपत्र परेको उक्त सडक चालु आवमा अगाडि बढेको उनले बताए।

द्रुतमार्गको २३ किमि सडक कालोपत्रका लागि विसं २०७८ वैशाखमा ठेक्का सम्झौता भएको थियो। धनगढी–स्याउले सडकखण्डको १३.४ र दीपायल–बाजमोर्ड खण्डको ९.४ किलिमिटर सडक कालोपत्रका लागि सम्झौता भएको थियो।

कैलालीमा थप साढे ६ किमि र डोटीतर्फ १५ किमि कालोपत्रका लागि ठेक्का सम्झौता भएको योजना कार्यालयले जनाएको छ। ४ खण्डमा कालोपत्रको काम हुने रावलले जानकारी दिए। उनका अनुसार डोटीतर्फ ६ किमि कालोपत्र गरिएको छ।

डोटीको बाँकी क्षेत्र र कैलाली खण्डमा कालोपत्रको काम अघि बढेको रावलको भनाइ थियो। उनका अनुसार द्रुतमार्गको ४३.८ किमि सडक कालोपत्रका लागि सम्झौता भएकामा झण्डै ७० प्रतिशतमात्र काम पूरा भएको छ।

धनगढी खण्डअन्तर्गत पिपलचौताराबाट स्याउलेसम्मको १३.४ किमि कालोपत्र गर्नका लागि भ्याटबाहेक १६ करोड ४० लाख रुपैयाँमा ठेक्का भएको थियो। दीपायल खण्डमा निर्माण कम्पनी काम गरिरहेको छ।

२ वर्षअघि ठेक्का सम्झौता गरिए पनि बजेट अभावले सडक निर्माण अलपत्र परेकामा चालु आवमा संघीय सरकारले २५ करोड रुपैयाँ बजेट विनियोजन गरेपछि कामले निरन्तरता पाएको आयोजना कार्यालयले जनाएको छ।

२०६४ सालमा खुटिया–दीपायल द्रुतमार्गको औपचारिकरूपमा सर्भे गरी ट्रयाक खोल्न थालिएको थियो। त्यसबेला खुटियाबाट दीपायलसम्म ८२ किमि सडक सर्भे भएकामा पछि पूर्वपश्चिम राजमार्गबाट धनगढीसम्मको १० किमि पनि थपेर ९२ किमि काम भइरहेको जनाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

अमेरिकाका लियो चौधौँ २६७औँ पोप निर्वाचित

भारतीय राजदूतले प्रधानमन्त्रीलाई भेटेर भने: आतंकवादीविरुद्धको समर्थनका लागी धन्यवाद

सुशासन कस्तो हुन्छ २०८४ पछि देखाउँछौं :रास्वपा