गण्डकी प्रदेशका मुख्यमन्त्री सुरेन्द्र पाण्डे
काठमाडौं– फेवातालको सीमा ६५ मिटर कायम गर्ने मापदण्ड कार्यन्वयन गर्न गण्डकी प्रदेशका मुख्यमन्त्रीको संयोजकत्वमा समिति गठन भएको छ। फेवातालको मापदण्ड कार्यान्वयन गर्न गण्डकीका मुख्यमन्त्री सुरेन्द्रराज पाण्डेको संयोजकत्वमा समिति गठन भएको हो।
समितिको सदस्यमा पोखरा महानगरपालिकाका मेयर धनराज आचार्य, गण्डकी सरकारका प्रमुख सचिव लक्ष्मी कुमारी बस्नेत, नेपाली सेनाका पृतनापति दीपककुमार बानियाँ, गण्डकीका मुख्य न्यायाधिवक्ता चिरञ्जीवी शर्मा, कास्कीका प्रमुख जिल्ला अधिकारी वासुदेव घिमिरे रहेका छन्।
त्यस्तै, गण्डकी प्रदेश प्रहरी प्रमुख डीआईजी वुद्धिराज गुरुङ, सशत्र प्रहरीका डीआईजी कालिदास धौवजी, राष्ट्रिय अनुसन्धान निर्देशक कृष्ण खनाल, पोखरा महानगरका प्रमुख प्रशासकीय अधिकृत श्यामकृष्ण थापा र ताल प्राधिकरण गण्डकीकी निर्देशक कल्पना देवकोटा पनि सदस्य छन्।
सर्वोच्च अदालतले २ पटक फेवाताल संरक्षण गर्न फैसला गरेको छ। सर्वोच्चको उक्त फैसला कार्यन्वयनका लागि गण्डकी प्रदेशले उक्त समिति गठन गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
