काठमाडौं- आईसीसीले विश्वकप २०२३ का उत्कृष्ट खेलाडी राखेर १२ सदस्यीय टिम बनाएको छ। ‘टिम अफ टुर्नामेन्ट’को कप्तान भने भारतका रोहित शर्मा राखिएका छन्। विश्वकप विजेता अष्ट्रेलियाका प्याट कमिन्स भने टिममै परेनन्।
उक्त टिममा ६ जना भारतीय खेलाडी समेटिएका छन्। जबकी भारत अष्ट्रेलियासँग पराजित भएर च्याम्पियन्स बन्न चुकेको थियो।
आईसीसीको उक्ट टिममा अष्ट्रेलियाका तर्फबाट फाइनलमा १३७ रन बनाएर म्यान अफ द म्याच भएका ट्राविस हेड पनि परेका छैनन्। ग्लेन म्याक्सवेल र एडम जम्पा पनि उक्त टिममा परेका छन्।
टिममा भारतका कप्तान शर्माका साथै विराट कोहली, केएल राहुल, रवीन्द्र जडेजा, जसप्रित बुमराह र मोहम्मद शमी सामेल छन्।
दक्षिण अफ्रिकी खेलाडी क्विन्टन डि कक र जेराल्ड कोट्जी पनि टिममा परेका छन्। न्यूजिल्यान्डका डेरेल मेचन र श्रीलंकाका दिलशान मधुशंका पनि टिममा परेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793102318.png)
-1786602170.png)
