महिला टी–२० क्रिकेट सिरिज: जापानविरुद्ध नेपाल ६७ रनले विजयी

क्रिकेट

नेपाल लाइभ शनिबार, मंसिर २, २०८० १०:४८

काठमाडौं– ४ देश सम्मेलित महिला टी–२० क्रिकेट सिरिजअन्तर्गत जापानविरुद्धको खेलमा नेपाल ६७ रनले विजयी भएको छ। नेपालले दिएको ११४ रनको लक्ष्य पछ्याएर जबाफी ब्याटिङमा उत्रिएको जापान २० ओभरमा अलआउट हुँदै मात्र ४६ रनमा समेटियो।

जापानका लागि सिका सुमीले १३ रन बनाउनु बाहेक अन्य ब्याटरले दोहोरो अंक पनि जोड्न सकेनन्। जापानका ३ जना ब्याटर शून्य रनमा आउट भए।

जापानलाई सस्तैमा समेट्ने क्रममा नेपालकी संगीता राई एक्लैले ५ विकेट लिइन्। यस्तै, पूजा महतो र अस्मिना कर्माचार्यले २–२ विकेट लिए।

हङकङस्थित हङकङ क्रिकेट क्लबको मैदानमा पहिले ब्याटिङ गरेको नेपालले २० ओभरमा ४ विकेट गुमाएर ११३ रन बनाएको थियो।

नेपालका लागि रुविना क्षेत्रीले सर्वाधिक ३८ रन बनाइन्। ३२ बल सामना गरेकी उनले ५ चौका प्रहार गरिन्। यस्तै, कप्तान इन्दु बर्माले २७ रन बनाइन्। ३१ बलको सामना गरेकी उनले २ चौका प्रहार गरिन्।

नेपालका लागि काजल श्रेष्ठले १५ तथा पूजा महतोले १३ रनको योगदान दिए। सीता रानामगरले ९ रन बनाइन् भने अस्मिना कर्माचार्य १ रनमा नटआउट रहिन्।

नेपालविरुद्ध जापानकी एलेना कुसुदा-नायर्नले २ विकेट लिइन्। यस्तै, मेग ओगावा र अयुमी फुजिकावाले समान १–१ विकेट लिए।

लगातार २ खेलमा पराजित भएपछि नेपाल सिरिजको उपाधि होडबाट बाहिरिएको थियो। जापानविरुद्ध जित निकालेपछि नेपालले तेस्रो स्थान सुरक्षित गरेको छ।

नेपाल यसअघि पहिलो खेलमा तान्जानिया र दोस्रो खेलमा हङकङसँग पराजित भएको थियो। सिरिजमा आयोजक हङकङसँगै नेपाल, तान्जानिया र जापान सहभागी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रसाईं र मिश्रबारे अदालतले भन्यो : थप प्रमाण संकलन गर्ने कार्य बाँकी नरहे तारेखमा छाड्नू

धनगढीलाई हराउँदै पोखरा एनएसएलको फाइनलमा प्रवेश

तीनकुने घटनामा मृत्यु भएकाको परिवारलाई जनही १० लाख उपलब्ध गराइने