महिला क्रिकेट– नेपालले हङकङलाई दियो ५७ रनको लक्ष्य

क्रिकेट

नेपाल लाइभ बिहीबार, कात्तिक ३०, २०८० १३:१०

काठमाडौं– ४ देश सम्मलित महिला टी–२० क्रिकेट सिरिजमा नेपालले हङकङलाई ५७ रनको लक्ष्य दिएको छ। बिहीबारको खेलमा सुरुवातदेखि नै कमजोर प्रदर्शन गरेको नेपाल ५६ रनमा समेटिएको हो।

नेपालका लागि रुबिना क्षेत्रीले सर्वाधिक २५ रन बनाइन्। उनले ३० बल खेलेकी थिइन्। अन्य खेलाडीले दोहोरो अंकको रन जोड्न सकेनन्। सीता रानामगरले ९, रोमा थापाले नटआउट ७, पूजा महतोले ४, संगीता राईले २ रन जोडे।

त्यस्तै, सम्झना खड्का, बिन्दु रावल र कञ्चन श्रेष्ठले समान १ रन जोडेका थिए। काजल श्रेष्ठ, इन्दु बर्मा तथा अस्मिना कर्माचार्यले रन जोड्न सकेनन्।

२० ओभरको खेलमा नेपाल १८ ओभरमै अलआउट भएको हो। नेपालले टस जितेर ब्याटिङ रोजेको थियो।

नेपाल यसअघि तान्जानियासँग पराजित भइसकेको छ। सिरिजमा आयोजक हङकङसँगै नेपाल, तान्जानिया र जापान सहभागी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रसाईं र मिश्रबारे अदालतले भन्यो : थप प्रमाण संकलन गर्ने कार्य बाँकी नरहे तारेखमा छाड्नू

धनगढीलाई हराउँदै पोखरा एनएसएलको फाइनलमा प्रवेश

तीनकुने घटनामा मृत्यु भएकाको परिवारलाई जनही १० लाख उपलब्ध गराइने