काठमाडौं– आईसीसी एक दिवसीय विश्वकप अन्तर्गत पहिलो सेमिफाइनल खेलमा आयोजक भारतले न्यूजिल्याण्डलाई ३९८ रनको चुनौतीपूर्ण लक्ष्य प्रस्तुत गरेको छ।
टस जित्दै पहिले ब्याटिङ गरेको भारतले निर्धारित ५० ओभरमा ४ विकेट गुमाउँदै ३९७ रनको विशाल स्कोर खडा गरेको हो।
भारतका लागि विराट कोहली र श्रेयस यय्यरले विस्फोटक ब्याटिङ गर्दै शतक प्रहार गरे। विराट कोहलीले ११३ बलको सामना गर्दै ११७ रनको योगदान दिए। उनको यो एकदिवसीयमा ५०औं शतक पनि हो।
साथै उनले अन्तर्राष्ट्रिय एक दिवसीय प्रतियोगितामा सचिन तेन्दुलकरको रेकर्डसमेत ब्रेक गरेका छन्। सचिनले वान डेमा सर्वाधिक ४९ शतक प्रहार गरेका थिए।
यस्तै भारतका श्रेयस यय्यरले ७० बलमा १०५ रन बनाए। त्यसपछि सुभमन गिलले ६६ बलमा ८० रन बनाए भने कप्तान रोहित शर्माले ४७ रन बनाउँदा केएल राहुलले ३९ रन बनाए। सूर्यकुमार यादव भने १ रनमै आउट भएका थिए।
आज ओपनर सुभमन गिल घाइते भएपछि उनको स्थानमा श्रेयस यय्यरलाई ल्याइएको थियो। भारतको यो रणनीतिले नै विशाल स्कोर खडा गर्न मद्दत गर्यो।
यता न्यूजिल्याण्डका लागि भने विलियमसन साउथीले १० ओभरमा १०० रन खर्चिँदै ३ विकेट लिए भने ट्यारेन्ट बल्टले एक विकेट लिए। सेमिफाइनल चरणमा भारत र न्यूजिल्याण्ड भेट हुँदा न्यूजिल्याण्डले नै अधिकांश जित हात पारेको इतिहास छ। तर आजको स्कोर हेर्दा न्यूजिल्याण्डलाई त्यो लक्ष्य भेटाउन चुनौतीपूर्ण नै देखिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771347882.jpg)
-1764146706.png)
