सुनसरी– सुनसरीको दुहबी ननरपालिका-३ सोनापुरस्थित एउटा बियर फ्याक्ट्रीको मेसिनमा च्यापिएर कामदारको मृत्यु भएको छ।
सोनापुरमा रहेको प्रिमियर अर्गानिक बियर फ्याक्ट्रीको मेसिनमा च्यापिएर कामदारको मृत्यु भएको हो। सोमबार राति स्थानीय १८ वर्षीय प्रमोद सरदार काम गर्ने क्रममा मेसिनको बेल्टमा चेपिएका थिए। मेसिनमा च्यापिएर प्रमोदको घटनास्थलमै मृत्यु भएको प्रहरीले जानकारी दिएको छ।
घटनाबारे जानकारी पाउनासाथ इलाका प्रहरी कार्यालय दुहबीको प्रहरी टोलीले घटनास्थलको कानुनी प्रक्रिया पुरा गरी शवलाई पोस्टमार्टमका लागी कोशी अस्पताल विराटनगर पठाएको जिल्ला प्रहरी कार्यालय सुनसरीले जनाएको छ।
घटनाका सन्दर्भमा थप अनुसन्धान भइरहेको प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
