काठमाडौं- आईसीसी टी-२० विश्वकप छनोट खेलमा यूएईसँग हङकङ पराजित भएको छ। समूह चरणको अन्तिम खेलमा यूएईले हङकङलाई २२ रनले पराजित गरेको हो।
मुलपानीस्थित माथिल्लो खेल मैदानमा भएको खेलमा यूएईले जितका लागि हङकङलाई १७७ रनको लक्ष्य दिएको थियो।
यूएईसँग पराजित भएसगै हङकङ बाहिरिएको छ। हङकङ सेमिफाइनलमा पुग्न यो खेल जित्नै पर्ने दबाबका बीचमा खेल मैदान ओर्लेको थियो। यसअघि बहराइनसँग पराजित भएको थियो। नेट रनरेटको आधारमा बहराइन अगाडि रहेको छ। बहराइनले अब कुवेतसँग खेल्नेछ। कुवेतसँग खेल जितेमा बहराइन छनोट हुनेछ। बहराइनले समूह कको विजेता ओमानसँग खेल्नेछ।
माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको यूएईले निर्धारित २० ओभरमा ६ विकेट गुमाउँदै १ सय ७६ रन बनाएको थियो। यूएईका बासिल हामिद २९ बलमा ४ चौका र ३ छक्कासहित सर्वाधिक ५१ रनमा आउट भए। कप्तान मोहम्मद वासिमले २४ बलमा ५ चौका र ३ छक्कासहित ४६ रन जोड्दै राम्रो सुरुवात दिलाएको थियो।
एलिशान शराफु २४ बलमा २ चौका र २ छक्कासहित ३४ रनमा आउट भए। खालिद शाह ६, आसिफ खान ४ र वृत्य अरविन्द्य १९ रनमा आउट भए।
हङकङका यासिम मुर्तजाले ४ ओभरमा १४ रन खर्चेर ३ विकेट लिए। नस्रुल्लाह राना ४ ओभरमा ४३ रन खर्चेर २ विकेट लिए। एहसान खानले ४ ओभरमा ४१ रन खर्चेर १ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
