टी-२० विश्वकप छनोट: आज नेपाल र मलेसिया आमने-सामने

क्रिकेट

नेपाल लाइभ मंगलबार, कात्तिक १४, २०८० ०७:१६

काठमाडौं- आईसीसी टी-२० विश्वकप एसिया क्षेत्र छनोट फाइनलको दोस्रो खेल मंगलबार नेपाल र मलेसियाबीच हुँदैछ। खेल कीर्तिपुरस्थित त्रिवि क्रिकेट मैदानमा दिउँसो सवा १ बजेबाट सुरु हुनेछ। घरेलु टोलीले सोमबार सिंगापुरलाई ८ विकेटले हराएको थियो।

प्रतियोगिताको दोस्रो दिन आज चार खेल खेलाइनेछ। पहिलो खेल सिंगापुर र ओमानबीच कीर्तिपुर मैदानमा हुनेछ भने दोस्रो खेल नेपाल र मलेसियाबीच हुनेछ।

मूलपानीस्थित माथिल्लो मूलपानी क्रिकेट मैदानमा पनि दुई वटा खेल खेलाइनेछ। पहिलो खेल बहराइन र हङकङबीच हुनेछ भने दोस्रो खेलमा कुवेत र यूएईबीच प्रतिस्पर्धा हुनेछ।

प्रतियोगितामा नेपाल सहित आठ टिम सहभागी छन्। प्रत्येक समूहमा चार टिम रहने गरी दुई समूहमा विभाजन गरिएको छ। नेपाल समूह ‘ए’मा छ। यो समूहमा नेपालसँगै सिंगापुर, मलेसिया र ओमान छन्।

समूह ‘बी’मा यूएई, बहराइन, हङकङ र कुवेत छन्। प्रत्येक समूहबाट शीर्ष दुई टिम सेमिफाइनलमा प्रवेश गर्नेछन्। यो छनोटबाट फाइनलमा पुग्ने दुई टिम आउँदो वर्ष अमेरिका र वेस्ट इन्डिजमा हुने विश्वकपमा छनोट हुनेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

संसदको हिउँदे अधिवेशन माघ १८ देखि बोलाउने तयारी

कोलम्बियामा सशस्त्र झडपमा परी चार दिनमा ८० जनाको मृत्यु, हजारौँ विस्थापित

नेप्से परिसूचक ६ दशमलव ७८ अङ्कले बढ्यो, कारोबार रकम साढे छ अर्बभन्दा बढी