काठमाडौं– त्रिदेशीय त्रिकोणात्मक टी–२० आई सिरिजको फाइनल खेलमा यूएईलाई नेपालले १६३ रनको लक्ष्य दिएको छ।
नेपालले २० ओभर खेल्दै १६२ रन बनाएको हो। नेपालले राम्रो सुरुवात गरे पनि मध्यक्रमका ब्याटर सम्हालिन नसक्दा फाइनलमा यूएईलाई मध्यम स्कोरको लक्ष्य दिएको छ।
ओपनर कुशल भुर्तेल २९ बलमा ६ चौका र ३ छक्कासहित ५० रनमा आउट भएका थिए। आफ्नो टी–२० आई करिअरको छैटौं अर्धशतक प्रहार गरेको एक बलपछि भुर्तेल आउट थिए।
उनीपछि धेरै करण केसीले २३ रन बनाए। दीपेन्द्रसिंह ऐरीले २० रन बनाए। नेपाललाई सस्तैमा समेट्न आयन अफजिल खानले ३ , अलि नसिर र जोहर खानले २ विकेट लिए।
नेपाललाई ओपनर आसिफ शेख र कुशल भुर्तेलले ५ ओभरमा ४३ रन जोड्दै राम्रो सुरुवात दिलाएका थिए। स्पिनर आयन खानले पाँचौं ओभरको अन्तिम बलमा आसिफ शेखलाई ७ रनमा बोल्ड आउट गरेका थिए।
आसिफले १२ बल खेल्दा १ चौका हानेका थिए। आयन खान तीन दिनअघि मलेसियामा नेपालसँग यू१९ प्रिमियर कपको फाइनलमा यूएईको कप्तानी गरेका थिए।
पहिलो खेल खेलेका उनले पहिलो ओभरमै नेपालका ओपनर आसिफको विकेट लिएका थिए। आयनले सातौं ओभरको चौथो बलमा कुशल मल्ललाई एक रनमा बोल्ड आउट गरे। आयन खानले ३ ओभरमा १६ रन खर्चेर २ विकेट लिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
