विश्व कप क्रिकेट: नेदरल्याण्ड्सविरुद्ध अस्ट्रेलियाको कीर्तिमानी जित

क्रिकेट

नेपाल लाइभ बिहीबार, कात्तिक ९, २०८० ०७:२६

काठमाडौं– भारतमा जारी आईसीसी एकदिवसीय विश्वकप क्रिकेटमा अहिलेसम्मकै ठूलो अन्तरको कीर्तिमानी जित निकालेको छ।

बुधबार भएको खेलमा नेदरल्यान्ड्स ३ सय ९ रनले पराजित भयो। यसअघि सन् २०१५ को विश्वकपमा अस्ट्रेलियाले नै अफगानिस्तानलाई २ सय ७५ रनले हराएको थियो। जितका लागि ४ सय रनको लक्ष्य पछ्याएको नेदरल्यान्ड्स २१ ओभरमा अलआउट भयो। उसले जम्मा ९० रन जोड्यो।

यो खेलमा अस्ट्रेलियाका एडम जाम्पाले ४ विकेट लिए। त्यस्तै, मिचेल मार्सले २ तथा मिचेल स्टार्क, जोस हेजलउड र प्याट कमिन्सले समान एक/एक विकेट लिए। नेदरल्यान्ड्सका विक्रमाजित सिंहले सर्वाधिक २५ रन बनाए।
त्यसअघि ग्लेन म्याक्सवेलको कीर्तिमानी शतकमा अस्ट्रेलियाले निर्धारित ५० ओभरमा ८ विकेट गुमाउँदै ३ सय ९९ रन बनाएको थियो ।

म्याक्सवेलले विश्व कप इतिहासमा सबैभन्दा छिटो ४० बलमा शतक बनाए। उनले ४४ बलमा १ सय ६ रन जोडे। अस्ट्रेलियाका ओपनर डेभिड वार्नरले पनि शतकीय पारी खेले।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु