नेप्सेको ओरालो यात्रा जारी, सोमबार २३.१६ अंकको गिरावट

अर्थ समाचार

नेपाल लाइभ सोमबार, असोज २९, २०८० १६:०६

काठमाडौं– धितोपत्र बजारमा शेयर कारोबार मापक नेप्से परिसूचकमा सोमबार दोहोरो अंकको गिरावट आएको छ।

नेपाल स्टक एक्सचेञ्जका अनुसार नेप्से परिसूचक २३ दशमलव १६ अंकले घटेर एक हजार आठ सय ५१ मा सीमित भएको छ।

सोमबारको कारोबारमा ठूला कम्पनीको शेयर कारोबार मापन गर्ने सेन्सेटिभ परिसूचक तीन दशमलव ३८ अंकले घटेर तीन सय ५५ दशमलव ७४ मा सीमित भएको छ।

कारोबार भएका कूल १३ उपसमूहकै शेयर मूल्यमा गिरावट भएको छ। विभिन्न कम्पनीका ४८ लाख ३७ हजार आठ सय ९३ कित्ता शेयर एक अर्ब २५ करोड ३२ लाख ९१ हजार ७० मूल्यमा कारोबार भएको छ।

नेप्सेका अनुसार कारोबारका आधारमा प्रभु बैंकको संस्थापक शेयर शीर्ष स्थानमा छ। सो बैंकको छ करोड २४ लाख ७६ हजार आठ सय ९३ बराबरको कारोबार भयो।

हाथवे इन्भेस्टमेन्ट नेपालको पाँच करोड २७ लाख दुई हजार सात सय ५९, सिटिजन लाइफ इन्स्योरेन्सको तीन करोड ६७ लाख २३ हजार दुई सय ६८, रिलायबल नेपाल लाइफ इन्स्योरेन्सको तीन करोड ५८ लाख २९ हजार पाँच सय ८४ र एनआइसी एशिया बैंकको तीन करोड ४३ लाख ३५ हजार छ सय ४१ बराबरको शेयर कारोबार भई शीर्ष पाँचभित्र पर्न सफल भएका छन्।

नेप्सेका अनुसार सिद्धार्थ प्रिमियर इन्स्योरेन्स ७.८७, सिद्धार्थ इन्भेस्टमेन्ट ग्रोथ स्किम दोस्रो ७.३१, सुपर मादी हाइड्रोपावर ४.०४, कालीञ्चोक दर्शन लिमिटेड ३.९७ र सनराइज फोकस्ड इक्विटी फण्डका लगानीकर्ताले ३.८५ प्रतिशतले कमाएका छन्।

यस्तै, सयपत्री हाइड्रोपावर र हाथवे इन्भेस्टको शेयर मूल्यमा १० प्रतिशतले गिरावट हुँदा नकारात्मक सर्किट लागेको छ। नबिल ब्यालेन्स फण्ड दोस्रो ९.३१, मिड सोलु हाइड्रोपावर ९. ०६ र घलेम्दी हाइड्रोपावरका लगानीकर्ताले ८.७७ प्रतिशतले गुमाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रविलाई हिरासत पठाइयो, प्रहरी कार्यालयबाहिर समर्थकको नाराबाजी

चितवनमा रविको बयान सकियो, थुनछेक बहस आजैबाट

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित