नेपालको पाँचौ विकेट गुम्यो, दीपेन्द्रसिंह ऐरी आउट

क्रिकेट

नेपाल लाइभ मंगलबार, असोज १६, २०८० ०९:४४

काठमाडौं– एसियाली खेलकुद (एसियाड)को क्वाटरफाइनलअन्तर्गत भारतविरुद्धको खेलमा नेपालले पाँचौं विकेट गुमाएको छ।

पाँचौं विकेटका रुपमा दीपेन्द्रसिंह ३२ रन बनाएर आउट भएका छन्। १५ बल खेलेका दीपेन्द्रले ४ छक्का प्रहार गरे।

यसअघि चौथो विकेटको रुपमा कप्तान रोहित पौडेल ३ रन बनाएर आउट भएका थिए। यस्तै, तेस्रो विकेटका रुपमा नेपालका कुशल मल्ल २९ रन बनाएर आउट भएका थिए।

यसअघि नेपालका ओपनिङ ब्याटर कुशल भुर्तेल २८ रन बनाएर आउट भएका थिए। ३२ बल खेलेका भुर्तेलले १ छक्का र ४ चौका प्रहार गरेका थिए।

यस्तै, आसिफ शेख १० रन बनाएर आउट भएका थिए। ६ बल सामना गरेका आसिफले १ छक्का र १ चौका प्रहार गरेका थिए।

पहिलो ब्याटिङ गरेको भारतले निर्धारित २० ओभरमा ४ विकेट गुमाउँदै २०२ रन बनाएको थियो। २०३ रनको विजयी लक्ष्यका साथ नेपाल जवाफी ब्याटिङ गरिरहेको छ। १५ ओभरको समाप्तीमा नेपालले ५ विकेट गुमाएर १२८ रन बनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नमोबुद्धका बालबालिकामा ‘हेपाटाइटिस’ सङ्क्रमण

जुम्ला–रारा म्याराथन भोलि देखि, ५९१ धावक सहभागी हुँदै

तोलामा एक हजार ४ सयले घट्यो सुनको मूल्य, चाँदीको कति ?