सांकेतिक तस्बिर
काठमाडौं– शनिबार साँझ पर्वतको कुश्मा नगरपालिकाको वडा नम्बर ७ र ८ बीचमा पर्ने तमादी खोलाले यात्रुबाहक जीप बगाएको छ।
खोलाले जीप बगाउँदा जीपमा सवार तीन जना पनि बेपत्ता भएका छन्। जिल्ला प्रहरी कार्यालय पर्वतका प्रमुख खुमलाल भुसालका अनुसार बागलुङबाट पोखरातर्फ जाँदै गरेको ग १ च ६२१३ नम्बरको टाटा सुमो जीप तमादी खोलाले बगाएको हो।
जीपका चालक आफूहरुकै सम्पर्कमा रहेको र बगेर बेपत्ता भएकाहरुको खोजी कार्य सुरु गरिएको उनले बताए। खोला पार गर्ने क्रममा जीप पास हुन नसकेपछि चालक झरेर ओट लगाएका थिए।
तर अकस्मात माथिबाट आएको ढुंगा लागेर जीप खोलामा बगेको बयान चालकले प्रहरीलाई दिएका छन्। बेपत्ता हुनेहरुको सनाखत भएको छैन। चालकले तीन जनालाई नै बाटैमा चढाएका थिए।
घटनास्थलमा प्रहरी पुगिसकेको छ भने नेपाली सेनाको उद्धार टोली पनि घटनास्थलतर्फ जाँदै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1764146706.png)
-1786513116.png)
