काठमाडौं– अस्ट्रेलियामा टी–२० खेल भइरहेका बेला एक महिलालाई बलात्कार गरेको आरोप लागेका श्रीलंकाली क्रिकेटर दानुष्का गुनातिलकालाई अदालतले सफाइ दिएको छ।
३२ वर्षीय दानुष्का गुनातिलकाविरुद्ध गत वर्ष नोभेम्बरमा टिन्डर डेटमा एक महिलामाथि उनकै घरमा गएर यौन दुर्व्यवहार गरेको आरोप थियो। सुरुवातमा उनलाई कैयौं आरोप लगाइएको थियो। यौन सम्पर्कका बेला महिलालाई जानकारी नै नदिएर कण्डम हटाएको आरोप उनीमाथि थियो।
अस्ट्रेलियाको न्यू साउथ वेल्सकी जिल्ला अदालतमा चार दिनसम्म चलेको सुनुवाइमा रिट दायर गर्ने महिलाले क्रिकेटरलाई सुरक्षित सम्बन्ध बनाउन भनेको बयान दिएकी छिन्।
दानुष्काले यौन सम्बन्ध राखिरहेका बेला जबरजस्ती किस गरेको र श्वास लिन कठिन हुँदा आफूलाई ज्यानको खतरा महशुस भएको पनि महिलाले बताएकी छन्।
यद्दपि, दानुष्काले आफूमाथि लगाइएका यी आरोप अस्वीकार गरेका थिए। उनका वकिलले आदालमा दिएको दलिलमा आरोप लगाउने महिलाले अदालतमा समय समयमा कहानी बदल्ने गरेको उल्लेख छ।
दानुष्काले प्रहरीसँग सही बयान दिएको अदालतले ठहर गरेको छ। रिट दायर गर्ने महिलाले भने बयानमा दुई प्रकारका कुरा गरेकी छन्।
श्रीलंकाका लागि आठ टेस्टसहित १०० म्याच खेलिसकेका दानुष्कालाई गिरफ्तारीपछि निलम्बन गरिएको थियो। अदालतको बाहिर उनले भनेका थिए, ‘यो फैसलाले सबै कुराको बयान गर्छ। म खुशी छु कि मेरो जिन्दगी फेरि सामान्य हुनेछ। अब म फेरि क्रिकेट खेल्नका लागि उत्साहित छु।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
