काठमाडौं- यतिबेला बलिउडमा दक्षिण भारतीय सुपरस्टार अल्लु अर्जुनको फिल्म ‘पुष्पा २: दर रुल’ को चर्चा छ। हालै मात्र निर्माण पक्षले ‘पुष्पा २’ बाट अल्लु अर्जुनको फर्स्ट लुक पोस्टर सेयर गर्दै दर्शकको हौसला बढाएको छ।
साथै, फिल्म पुष्पा २ को रिलिज मिति समेत घोषणा गरिएको छ। निर्माण पक्षले फिल्मको एक पोस्टर सेयर गर्दै रिलिज हुने मिति सार्वजनिक गरेको हो। ‘पुष्पा २’ भारतीय स्वतन्त्रता दिवसको अवसर पारेर १५ अगस्ट २०२४ का दिन रिलिज हुने बताइएको छ।
‘पुष्पा द राइज’ सन् २०२१ मा रिलिज भएको थियो। यो फिल्ममा अल्लु अर्जुन चन्दन तस्करको भूमिकामा देखिएका थिए। फिल्ममा अल्लु अर्जुनको साथमा रश्मिका मंदना मुख्य भूमिकामा थिइन्।
फिल्म ‘पुष्पा : द रुल’ का लेखक तथा निर्देशक सुकुमार हुन्। यो फिल्ममा अल्लु अर्जुनका साथमा फहद फासिल, रश्मिका मंदना, धनञ्जय, राव रमेश, सुनिल, अनसूया भारद्वाज र अजय घोषको अभिनय हेर्न पाइन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
