काठमाडौं- विद्यालय शिक्षा सम्बन्धी विधेयकको विरोधमा राजधानीमा जम्मा भएर प्रदर्शनमा उत्रिएका सामुदायिक विद्यालयका शिक्षकहरुको जायज माग सम्बोधन गर्न संघीय सरकारसँग मधेस प्रदेशले माग गरेको छ।
मधेश प्रदेशका गृह, सञ्चार तथा कानुन मन्त्री मोहमद समिमले एक विज्ञप्ति जारी गर्दै आन्दोलनरत शिक्षकहरुको उचित माग सम्बोधन हुनुपर्ने भन्दै आन्दोलनमा समर्थन जनाएका छन्।
संसद्मा पेस भएको शिक्षा ऐनमा स्थानीय सरकार, प्रदेश सरकार र संघीय सरकारको स्पष्ट नीति सम्बोधन हुने गरी शिक्षकहरुको जायज माग र आन्दोलनलाई समर्थन गर्दै माग पूरा गर्न संघीय सरकार र नेपाल सरकारलाई आग्रह गर्ने विज्ञप्तिमा भनिएको छ।
देशभरका शिक्षकहरु आफूहरुलाई लक्षित गर्दै विधेयक पेस भएको र यो पारित भएमा देशभरका शिक्षकहरु प्रभावित हुने भन्दै काठमाडौंमा छन्। सरकारले उनीहरुसँग वार्ता पनि सुरु गरेको छ। सरकारसँग सहमति भएमा उनीहरु आन्दोलनका कार्यक्रम फिर्ता लिँदै घर फर्कनेछन् भने सहमति नभए आन्दोलनलाई निरन्तरता दिने तयारीमा छन्।
1695273586.png)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791087676.png)
-1786602170.png)
