चोरीका मोबाइल बोकेर काठमाडौं उड्न लागेका ४ जना भारतीय नागरिक नेपालगञ्जबाट पक्राउ

सुरक्षा/अपराध

नेपाल लाइभ बिहीबार, असोज ४, २०८० १०:५३

नेपालगञ्ज– चोरीका मोबाइल बोकेर काठमाडौं उड्न लागेका व्यक्ति नेपालगञ्ज विमानस्थलबाट पक्राउ परेका छन्। अन्जादी ९ लाख रुपैयाँ मूल्य बराबरको चोरीका मोबाइलसहित नेपालगञ्ज विमानस्थल प्रहरीले ४ जना भारतीय नागरिकलाई पक्राउ गरेको हो।

बुद्ध एयरको जहाजबाट काठमाडौं जानका लागि विमानस्थलमा उनीहरुको झोला एयरपोर्टको एक्सरे मेसिनमा राखि चेकजाँच गर्दा ‘कैफियत’ देखिएपछि विमानस्थल प्रहरीले खोलेर तलासी गरेको थियो। तलासी गर्दा उनीहरुले बोकेको झोलामा विभिन्न कम्पनीका ३२ थान मोबाइल फेला परेका थिए।

प्रहरीले भारतको मध्य प्रदेशको इन्दौर घर भएका ३८ वर्षीय अमित सोलंकी, इन्दौर नै बस्ने ३७ वर्क्षिय सचिन कुक्रेजा, ३९ वर्षीय कमल बंसारी, अमित सोलंकीलाई पक्राउ गरेको हो।

पक्राउ परेकामध्ये अमित सोलंकीको साथबाट ८ थान, सचिन कुक्रेजाको साथबाट ८ थान, कमल बंसारीको साथबाट ८ थान र अमित सोलंकीको साथबाट पनि ८ थान मोबाइल बरामद भएको प्रहरीले जानकारी दिएको छ। पक्राउ परेका ४ जनामाथि थप अनुसन्धान र आवश्यक कारबाहीका लागि भन्सार कार्यालय नेपालगञ्ज पठाइएको जिल्ला प्रहरी कार्यालय बाँकेले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मोटरसाइकल दुर्घटनामा एक जनाको मृत्यु

यस्तो छ आजका लागि विदेशी मुद्राको विनिमय दर

उपनिर्वाचनका लागि निर्वाचन अधिकृतको कार्यालय स्थापना