काठमाडौं- आईसीसी पुरुष एकदिवसीय क्रिकेट विश्वकप २०२३ को समापनसँगै दक्षिण अफ्रिकाका विकेटकिपर ब्याट्सम्यान क्विन्टन डी ककले ओडीआईबाट सन्यास लिने घोषणा गरेका छन्।
विश्वकपको अन्त्यसँगै डी ककले क्रिकेटबाट अलग हुने घोषणा गरेको क्रिकेट दक्षिण अफ्रिका (सीएसए)ले विज्ञप्तिमार्फत् पुष्टि गरेको छ। सन् २०१३ मा ओडीआई डेब्यु गरेका डीकले दक्षिण अफ्रिकाका तर्फबाट १४० खेल खेलेका छन्। उनले आफ्नो ओडीआई खेल करियरमा ५ हजार ९६६ रन बनाएका छन्।
सन् २०१६ मा सेन्चुरियनमा अष्ट्रेलियाविरुद्ध भएको खेलमा १७८ रनको उच्च स्कोर बनाएका उनको नाममा १७ शतक र २९ अर्धशतक रहेका छन्। उनले १८३ क्याच र १४ स्टम्पिङ आउट गरेका छन्।
३० वर्षीय क्रिकेटर डी ककले यसअघि २ वटा विश्वकप खेलेका छन्। जहाँ उनले १७ खेलमा ४५० रन बनाएका थिए।
डी ककले यसअघि नै टेस्ट क्रिकेटबाट सन्यास लिइसकेका छन्।
दक्षिण आफ्रिकाले यस संस्करणको विश्वकपको पहिले खेल ७ अक्टोबरमा भारतस्थित नयाँदिल्लीमा श्रीलंकाविरुद्ध खेल्दैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
