भारत– एसिया कपमा भारतले नेपाललाई १० विकेटले पराजित गर्दै विजयी सुरुवात गरे पनि कप्तान रोहित शर्माले टोलीले राम्रो खेल्न नसकेको बताएका छन्।
यद्यपी, यो जितसँगै भारत प्रतियोगिताको अर्को चरणमा प्रवेश गरिसकेको छ।
नेपालले प्रस्तुत गरेको २३० रनको जवाफमा भारतले राम्रो सुरुवात गरे पनि तेस्रो ओभरमा नै वर्षाका कारण खेल रोकिएको थियो।
रोकिएको खेलको सञ्चालन गर्न डीएलएस विधिबाट खेल २३ ओभरमा झारिएको थियो। र भारतले १४५ रनको नयाँ लक्ष्य पाएको थियो। भारतीय ओपनरद्धय रोहित शर्मा र शुभमन गिलले अभिजित रहँदै उक्त लक्ष्य सजिलै पूरा गरेका थिए। गिलले ६२ बलमा ६७ रन र रोहित शर्माले ५९ बलमा अविजित ७४ रन बनाएका थिए।
यो खेलअघि नै खेल ज्योतिषीहरुले भारतको जित पक्का हुने बताइरहेका थिए। जसलाई सहज जित पनि मान्न सकिन्छ तर नेपालजस्तो अनुभवहीन टोलीका अगाडि भारतीय बलरले गरेको बलिङ भने चिन्ताको विषय बनेको छ। त्यसअघिको खेलमा पाकिस्तानले नेपाललाई १२५ रनसमेत बनाउन दिएको थिएन।
भारतको सुस्त बलिङ
पाकिस्तानविरुद्ध भारतीय ओपनरले राम्रो प्रदर्शन गर्न सकेका थिएनन्। तर नेपालविरुद्ध दुवैजनाले राम्रो खेल देखाए।
तर बलिङ भने भारतीय टोलीको लागि सुल्झन नसक्ने रहस्य बनेको छ।
कप्तान शर्माले पनि भारतले दुवै खेलमा राम्रो खेल्न नसकेको बताए। पहिलो खेलमा भारत ब्याटिङको दबाबमा थियो भने दोस्रो खेलमा भारतको बलिङ सामान्य र फिल्डिङ कमजोर बन्न पुगेको थियो।
पाकिस्तानविरुद्ध खेलमा भारतीय टोलीले मात्रै ६८ रन बटुल्दा चार विकेट गुमाएको थियो। पछि हार्दिक पाण्ड्या र इशान किशनले राम्रो ब्याटिङ गरे पनि टोली २६६ रन बनाउँदै अलआउट भएको थियो।
नेपालसँगको खेलमा भारतका अनुभवी बलर पनि निराश बन्न पुगे। मोहम्मद सिराजले तीनवटा विकेट लिए पनि ९.२ ओभरमा ६१ रन खर्चिनु परेको थियो। मोहम्मद शामीले ७ ओभरमा एक मात्रै सफलता पाए थिए भने हार्दिक पाण्ड्याले पनि राम्रै रन दिएका थिए। यी खेलाडीको उपस्थितिका बाबजुद नेपालले पहिलो १० ओभरमा ६५ रन बनाएको थियो। नेपालले दशौं ओभरमा पहिलो विकेट पनि गुमाएको थियो। भारतीय बलरले अन्तिम ओभरतिर पनि नेपालका ब्याट्सम्यानलाई रन बनाउने मौका दिएका थिए।
भारतीय बलरहरुको खेललाई लिएर सञ्जय मांजरेकरले बलिङमा पर्याप्त सुधार र रणनीतिको आवश्यक रहको बताएका छन्। उनी भन्छन्,‘भारतको खेललाई हेर्ने हो भने कुन–कुन बलरले कस्तो गरिरहेका छन् र कुन बलर कुन ओभरका लागि हुन् भन्ने छुट्याउनु पर्छ। यो निकै रणनीतिक र उपयोगी हुन जरुर छ।’ बीबीसी हिन्दीका लागि विधांशु कुमारले तयार पारेको समाचार
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
