काठमाडौं– एसिया कपको सुरुवाती खेलमा बुधबार पाकिस्तान र नेपालीबीच प्रतिस्पर्धा भयो। ३४३ रनको विशाल लक्ष्य पछ्याउने क्रममा नेपाल १०४ रनमै समेटियो। यो एसिया कपकै इतहासमा दोस्रो ठूलो जित हो। पाकिस्तानका प्रभावशाली कप्तान बाबर आजम एक्लैले ५ रेकर्ड बनाए।
सबैभन्दा चाँडो १९ एकदिवसीय शतक प्रहार
२८ वर्षीय आजमले आफ्नो एकदिवसीय करियमा १९औं शतक हाने। यसका लागि उनले १०२ पारी लिए। जुन सबैभन्दा चाँडो हो। उनले अफ्रिकाका हाशिम अमलाको नाममा रहेको रेकर्ड तोडे। अमलालले १०४ पारीमा १९ एकदिवसीय शतक लगाएका छन्। भारतका विराट कोहलीले १२४ पारीमा १९ शतक पूरा गरेका छन्।
कप्तानीसँगै ठूलो स्कोर
आजमले नेपालविरुद्ध १३१ बलमा १५१ रनको पारी खेले। उनी एसिया कपमा १५० रन बनाउने पहिलो खेलाडी समेत बनेका छन्। उनले कप्तानका रुपमा ठूलो स्कोर बनाउने विराट कोहलीको रेकर्ड तोडेका हुन्। कोहलीलले सन् २०१४ मा बंगलादेशविरुद्ध १३६ रन बनाएका थिए।
एसिया कपमा सबैभन्दा धेरै रन बनाउने पाकिस्तानी खेलाडी
बाबरले एसिया कपमा सबैभन्दा धेरै रन बनाउने पाकिस्तानी खेलाडीको रेकर्ड आफ्नो नाममा पारेका छन्। यसअघि पाकिस्तानका युनिस खानको नाममा यो रेकर्ड थियो। उनले हङहङविरुद्ध २००४ मा १४४ रन बनाएका थिए। बाबारले १५१ रन बनाएर उक्त रेकर्ड तोडिदिए।
घरेलु मैदानमा धेरै रन
बाबरले पाकिस्तानको मुल्तान स्टेडियममा १५१ रन बनाए। यो एसिया कपमा आफ्नै घरेलु मैदानमा सवैभन्दा ठूलो स्कोर हो। बाबरले श्रीलंकाका अर्जुन राणातुंगाको रेकर्ड तोडेका हुन्। राणातुंगाले सन्न १९९७ मा कोलम्बोमा भारतविरुद्ध १३१ रन बनाएका थिए ।
धेरै १५० भन्दा बढी रन बनाउने खेलाडी
बाबर आजमको एकदिवसीयमा सबैभन्दा बेस्ट स्कोर १५८ रन हो। नेपालविरुद्ध उनले १५१ रन बनाएका छन्। उनको एकदिवसीय करियरमा दोस्रो १५० भन्दा माथिको स्कोर हो। यी दुवै स्कोर उनले कप्तानी गर्ने क्रममा बनाएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751879619.webp)
-1749826086.png)
