भारत ‘ए’ सँग नेपाल ९ विकेटले पराजित

क्रिकेट

नेपाल लाइभ सोमबार, साउन १, २०८० १९:१६

काठमाडौं- श्रीलंकामा जारी एसीसी इमर्जिङ टिम्स एसिया कपमा नेपाल भारतसँग ९ विकेटले पराजित भएको छ। भारत ए विरुद्ध टस जितेर ब्याटिङ गरेको नेपालले १६८ रनको सामान्य लक्ष्य दिएको थियो। उक्त लक्ष्य भारतले २२ ओभरमा पूरा गरेको हो।

भारतको जितमा अभिषेक शर्माले ६९ बलमा १२ चौका र २ छक्कासहित सर्वाधिक ८७ रन बनाए। कप्तान रोहित पौडेलको बलमा ठूलो सट खेल्ने धुनमा अभिषेक लङ अनमा कुशल मल्लबाट क्याच आउट भएपछि शतक बनाउन चुकेका थिए।

पहिलो विकेटका लागि ओपनर साई सुदर्शन र अभिषेक शर्माले १९ ओभरमा १ सय ३९ रनको शतकीय साझेदारी भएको थियो। साई सुदर्शन ५२ बलमा ८ चौका र १ छक्कासहित ५८ रनमा नट आउट रहे। त्यस्तै ध्रुब जुरेल १२ बलमा १ चौका र २ छक्कासहित २१ रनमा नट आउट रहे।

त्यसअघि श्रीलंकाको आर प्रेमदासा रंगशालामा टस जितेर पहिला ब्याटिङ रोजेको नेपाल मात्रै ३७.२ ओभरमा १ सय ६७ रनमा अल आउट भयो। कप्तान रोहित पौडेलले ८५ बलमा ७ चौकासहित सर्वाधिक ६५ रनको योगदान दिए। अन्य कुनै पनि ब्याटरले अर्धशतकीय इनिङ खेल्न सकेनन्।

इमर्जिङ टिम्स एसिया कपमा नेपालको यो दोस्रो हार हो। यसअघि पाकिस्तान ‘ए’ सँग नेपाल पराजित भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रतिनिधिसभा बैठक बस्दै, यस्तो छ कार्यसूची

आजको मौसमः तराईमा हुस्सु र कुहिरो, पहाडका केहि भागमा सामान्य बदली

सिड कमिटीमा नेपालद्वारा सातौं आवाधिक प्रतिवेदन प्रस्तुत