नेपालले पाकिस्तानलाई दियो १८० रनको लक्ष्य

क्रिकेट

नेपाल लाइभ शुक्रबार, असार २९, २०८० १३:१४

काठमाडौ– एसीसी इमर्जिङ टिम्स एसिया कपमा नेपालले पाकिस्तानलाई १८० रनको सामान्य लक्ष्य दिएको छ। टस जितेर पहिला ब्याटिङ गरेको नेपालले ३७ ओभरमा सबै विकेट गुमाएर १७९ रन बनायो।

नेपालका लागि सोमपाल कामीले सर्वाधिक ७५ रन बनाए। सोमपाल कामी बाहेक अन्य ब्याट्सम्यानले राम्रो प्रर्दशन गर्न सकेनन्। कामी १०१ बल खेल्दै ७५ रन बनाएर आउट भए।

नेपालका ओपनर कुशल भुर्तेल ६ बल खेलेर मात्र १ रन जोडेर आउट भए। अर्का ओपनर आसिफ शेख १३ रन बनाएर पेभेलियन फर्किए।

अर्जुन साउद १७ तथा कप्तान रोहित पौडेल ४ रनमा आउट भए। भीम सार्की एउटा पनि रन जोड्न नसकी आउट भए।

कुशल मल्ल १७, पवन सर्राफ १ तथा गुलसन झाले १३ रन बनाए। प्रतिस जीसीले २६ रन बनाए भने ललित राजबंशीले १ रन बनाए।

नेपालविरुद्ध पाकिस्तानका शहनवाज दहानी एक्लैले ५ विकेट लिए। १० ओभर बलिङ गरेका उनले ३८ रन खर्चिए। यस्तै, मोहम्मद वासिमले ४ विकेट लिँदा मुबासिर खानले १ विकेट लिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

दुधौली नगरपालिकाका मेयर अधिकारीविरुद्ध बलात्कारको जाहेरी दर्ता

अमेरिकासँग आणविक वार्ताका लागि इरानी विदेशमन्त्री अराघची ओमान प्रस्थान गर्दै

टिपरको ठक्करले मृत्यु भएपछि मोरङको सुन्दरहरैँचा तनावग्रस्त, डीएसपी घाइते