एसीसी इमर्जिङ टिम्स एसिया कप: नेपालको पहिलो खेल पाकिस्तानसँग

क्रिकेट

नेपाल लाइभ शुक्रबार, असार २२, २०८० १०:५४

काठमाडौं– एसियन क्रिकेट काउन्सिल (एसिसी)ले इमर्जिङ टिम्स एसिया कप क्रिकेटको खेलतालिका सार्वजनिक गरेको छ। प्रतियोगिता आगामी जुलाइ १३ (असार २८) गतेदेखि श्रीलंकामा हुँदै छ।

नेपालले पहिलो खेल पाकिस्तान ‘ए’सँग जुलाई १४ अर्थात् असार २९ गते खेल्ने छ। प्रतियोगिता १३ जुलाइदेखि २३ जुलाइसम्म हुनेछ। नेपाल समूह ‘बी’ मा छ। नेपाल रहेको समूहमा यूएई, पाकिस्तान ए र भारत ए छन्।

त्यस्तै, समूह ‘ए’ मा श्रीलंका, बंगलादेश, अफगानिस्तान र ओमान छन्। टेस्ट राष्ट्रका ५ टोलीले भने २३ वर्षमुनिको टीम पठाएका छन्। एसोसियट राष्ट्रबाट भने राष्ट्रिय टिम नै खेल्नेछ।

पहिलो खेल पाकिस्तानसँग खेल्ने नेपालले दोस्रो खेल १७ जुलाईमा भारत ए सँग खेल्नेछ। नेपालले १९ जुलाईमा युएईसँग खेल्नेछ। शीर्ष २ मा रहन सके नेपालले २१ जुलाईमा सेमिफाइनल खेल्नेछ।फाइनल २२ जुलाईमा हुनेछ।

एसीसीले एसोसियट टोलीलाई म्याच एक्सपोजर दिन इमर्जिङ टिम्स आयोजना गर्न लागेको हो। नेपालले इमर्जिङ टिम्सको लागि अन्तिम टोली घोषणा भने गरिसकेको छैन। नेपाल दुई महिना अघि एसिसी प्रिमियर कपको उपाधि जित्दै इमर्जिङ कपमा पुगेको थियो।

पाकिस्तानले मोहम्मद हरिसको कप्तानीमा इमर्जिङ टिम्स एसिया कप खेल्ने टोली घोषणा गरेको छ। पाकिस्तानको टोलीमा सिनियर टोलीबाट खेलेका ८ युवा स्टार खेलाडी छन्। यस्तै, भारतले यश धुलको नेतृत्वमा टिम घोषणा गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)