ज्ञानेन्द्र मल्ल (फाइल तस्बिर)
काठमाडौं– नेपालले आईसीसी विश्वकप छनोटअन्तर्गत प्लेअफ खेलमा आज (आइतबार) युएईविरुद्ध टस जितेर बलिङ रोजेको छ। हरारेको टाकासिंगा स्पोर्ट्स क्लबको मैदानमा भइरहेको खेलका लागि नेपालको प्लेइङ ११ मा ३ खेलाडी परिवर्तन भएका छन्।
ज्ञानेन्द्र मल्ल लामो समयपछि टोलीमा फर्किएका छन्। विश्वकप लिग २ मा मार्चमा पपुवा न्युगिनीसँगको खेलपछि उनलाई मौका दिइएको थिएन।
यसैगरी प्रतिश जिसी र अर्जुन साउदलाई आजको खेलमा मौका दिइएको छ। नेपालले आसिफ शेख, ललितनारायण राजवंशी र कुशल मल्ललाई बेञ्चमा राखेको छ।
यसैगरी अर्जुनले डिसेम्बरमा स्कटल्यान्डविरुद्ध खेलका थिए। त्यसपछि पहिलोपटक मौका पाएका हुन्। प्रतिश बायाँहाते तीव्र गतिका बलर हुन्। उनले नेपालबाट दुई ओडीआई खेल खेलिसकेका छन्।
नेपालले युएईविरुद्धको खेलमा राम्रो सुरुवात गरेको छ। पहिलो ओभरमै करण केसीले एक विकेट लिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
-1749801778.jpg)
-1749797959.png)
-1749826086.png)
