काठमाडौं– आईसीसी एकदिवसीय विश्वकप छनोटअन्तर्गत बिहीबारदेखि सुपर ६ का खेल सुरु हुँदैछन्। पहिलो खेले समूह ‘ए’ को विजेता जिम्बावेले समूह ‘बी’को पुछारमा रहेको ओमानसँग प्रतिष्पर्धा गर्दैछ।
जम्मा २ स्थानका लागि ६ टिमबीच प्रतिस्पर्धा हुनेछ। प्रतिष्पर्धामा यी दुईबाहेक श्रीलंका, वेस्टइन्डिज, नेदरल्यान्डस् र स्कटल्यान्ड रहेका छन्। सुपर ६ मा पुग्दा जिम्बावे र श्रीलंकाले समूह चरणका चारवटै खेल जित्दै समान ४-४ अंक बटुलेका छन्। यसैगरी चारमध्ये एक-एक खेल गुमाएका नेदरल्यान्ड्स र स्कटल्यान्डसँग २-२ अंक छ भने वेस्टइन्डिज र ओमान शून्यमा छन्।
यो अंक तालिकाले २ पटकको विश्वविजेता वेस्टइन्डिज विश्वकप खेल्नेबारे शंसय उत्पन्न भएको छ।
वेस्टइन्डिजको वर्तमान ब्याटिङ, बलिङ र खासगरी फिल्डिङ हेर्दा विश्वकप खेल्न पाउने सम्भावनासँग दूर देखिन्छ। तर गणितीय रुपमा अझै उक्त टिमसँग सम्भावना बाँकी छ।
वेस्टइन्डिज शीर्ष २ मा पुग्न उसले आफ्ना तीनवटै खेल जित्नुपर्छ भने श्रीलंका र जिम्बावेमध्ये एकले जारी खेलमा सवै वा दुई खेल गुमाउनुपर्छ।
यदि जिम्बावे वा श्रीलंकाले कम्तीमा २ हार्यो भने सवै जितेको अवस्थामा वेस्टइन्डिजसँग समान ६ अंकको बराबरी भएर रनरेटका आधारमा शीर्ष दुई छानिनेछन्। रनरेटकै अवस्था हेर्दा पनि श्रीलंका धेरै अघि निस्किसकेको छ।
यी दुईमध्ये एकले बाँकी सवै खेल गुमाउँदा भने वेस्टइन्डिज शीर्ष २ मा पुग्न सक्छ। तर, यी दुवै टोलीले कम्तीमा २-२ खेल जितेको अवस्थामा वेस्टइन्डिजको विश्वकप सपना चकनाचुर हुनेछ।
वेस्टइन्डिज शीर्ष २ मा पर्नका लागि, उदाहरणको रुपमा जिम्बावेले बाँकी सबै खेलमा हार बेहोर्नुपर्छ। श्रीलंकाले वेस्टइन्डिजसँगको खेल हार्नुपर्छ। ओमानले दुई खेल जित्नुपर्छ र स्कटल्यान्ड र ओमानले एक-एक खेल जित्नुपर्छ।
शनिबार वेस्टइन्डिजको खेल स्कटल्यान्डसँग छ। त्यो खेलमै पराजित भयो भने चाहिँ दुईपटकको विश्वविजेता वेस्टइन्डिज विश्वकप होडबाट बाहिरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
