विद्युत् नियमन आयोगका अध्यक्ष भन्छन्– हकप्रद अनुमति दिँदा ५ मेगावाटको आयोजनाले अर्को ५० मेगावाट बनाउँदैछ

पूर्वाधार

नेपाल लाइभ बिहीबार, जेठ ३२, २०८० १४:२८

दिल्लीबहादुर सिंह (फाइल तस्बिर)

काठमाडौं– विद्युत् नियमन आयोगका अध्यक्ष दिल्लीबहादुर सिंहले जलविद्युत् आयोजनालाई हकप्रद सेयर जारी गर्न अनुमति दिएपछि ५ मेगावाटको आयोजनाले पनि ५० मेगावाटको अर्को आयोजना बनाउन सुरु गरेको बताएका छन्।

स्वतन्त्र ऊर्जा उत्पादकहरूको संस्था, नेपाल (इप्पान)को २१औं साधारणसभाको उद्‍घाटनमा बोल्दै अध्यक्ष सिंहले हकप्रदको अनुमति दिंदा राम्रो भएको बताएका हुन्।

प्रधानमन्त्री पुष्पकमल दाहाल प्रचण्डको भारत भ्रमणमा ठूलो उपलबब्धि हासिल भएको भएको सिंहको भनाइ छ।

‘हिजो ५० मेगावाट बिजुली किनिदिनुस् भन्ने अवस्था थियो। २०० मेगावाट किन्दा पनि दङ्ग पर्थ्यौँ। अहिले त एकैपटक १० हजार मेगावाटको सम्झौता भयो। यो निकै ठूलो उपलब्धि हो,’ उनले भने।

बंगलादेशसँग विद्युत् व्यापारका लागि नेपाल र बंगलादेश दुवैले भारतसँग बाटो माग्ने र डेडिकेटेड प्रसारणलाइन आफैं बनाउनुपर्नेमा उनको जोड छ।

निजी क्षेत्रको रफ्तार रनवेबाट टेकअफ गरेको र अब यसको उडान निकै टाढासम्म हुनेमा आफू विश्वस्त रहेको उनले बताए।

‘निजी क्षेत्रले विद्युत् व्यापार गर्ने कुरा आउँदा प्रसारणलाइनको कुरा आउँछ। तर ग्रीड कोडसम्बन्धी निर्देशिका बनाएको ४ महिनासम्म पनि सुझाव आएको छैन,’ सिंहले भने।

नेपालमा विद्युत् उत्पादन बढ्दै गए पनि यसको लागत बढ्दा उत्पादन पनि महँगिएको बताउँदै सिंहले अब उत्पादन लागत पनि घटाउँदै जानुपर्ने बताए। त्यसका लागि विदेशमा रहेका पेनसन फण्डको पैसा ल्याएर जलविद्युत्‌मा लगानी गर्न सके उत्पादन सस्तो हुने पनि उनको सुझाव छ। त्यस्ता फण्डको पैसा सस्तो ब्याजदरमा चलाउन पाइने उनले उल्लेख गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाजामा इजरायली हमलामा ९ जनाको मृत्यु

पेट्रोलको मूल्य लिटरमा पाँच रुपैयाँले घट्यो

प्रस्तावित युद्धविराम वार्तापछि रुस र युक्रेनद्वारा हवाई आक्रमण जारी