काठमाडौं- बलिउड एक्टर शाहिद कपुरको एक्सन फिल्म ‘ब्लडी ड्याडी’ का ट्रेलर रिलिज भएको छ। उक्त ट्रेलरले दर्शकबाट राम्रो प्रतिक्रिया पाइरहेको छ।
फिल्म ब्लडी ड्याडी रिलिजको तयारी हुँदै गर्दा शाहिद अर्को एक्सन थ्रिलर फिल्ममा अनुबन्ध भएका छन्। उनी जी स्टुडियोज र राय कपुर फिल्म्सले निर्माण गर्न लागेको एक्सन थ्रिलर फिल्ममा मुख्य भूमिकामा अनुबन्ध भएका हुन्। यो फिल्मको निर्देशन मलयालम निर्देशक रोशन एन्ड्रयुजले गर्दैछन्।
यस फिल्मको विषयमा शाहिदले भनेका छन्, ‘यस्तो विषयमा काम गर्न पाउनु मेरा लागि दुर्लभ हो। म वास्तवमै उत्सुक छु।’ शाहिदले यसअघि उक्त ब्यानरले निर्माण गरेका ‘हैदर’ तथा ‘कमिने’ मा काम गरिसकेका छन्।
शाहिदले रोशन एन्ड्रयुज एक दिग्गज फिल्म निर्माता भएको समेत बताएका छन्। उनले भनेका छन्, ‘हामीले धेरै महिना सँगै बिताएका छौं। उनीसँग यस्तो शानदार फिल्ममा काम गर्न पाउँदा निकै खुसी छु।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
