काठमाडौं- जंगली च्याउ खाँदा धनकुटामा आमा-छोराको मृत्यु भएको छ। शहीदभूमि गाउँपालिका–३ घर भई हाल धनकुटा नगरपालिका–७ मा डेरा गरी बस्ने २८ वर्षीया मुना राई र उनका छोरा सचिन राईको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको हो।
च्याउ खाएर अशक्त भएका उनीहरुलाई जिल्ला अस्पताल धनकुटामा उपचारका लागि लगिएको थियो। तर त्यहाँ उचापर नसकी धरान रेफर गरिएका उनीहरूमध्ये बिहान ९:१५ बजे आमाको र उपचारकै क्रममा बेलुकी छोराको मृत्यु भएको प्रहरीले जनाएको छ।
प्रहरीका अनुसार उनीहरुले यही जेठ १५ गते धनकुटा–७ मा रहेको चुलिवन जङ्गलबाट च्याउ ल्याएर खाएका थिए। च्याउ खाएपछि बिरामी परेका उनीहरू जिल्ला अस्पताल धनकुटामा उपचारका लागि भर्ना भएका थिए।
जिल्लामा उपचार हुन नसकेपछि १८ गते उनीहरूलाई थप उपचारका लागि बीपी कोइराला स्वास्थ्य विज्ञान प्रतिष्ठान धरानमा रेफर गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773582775.jpg)
-1764146706.png)
