काठमाडौं- नेकपा एमालेले नागरिकता विधेयक प्रमाणीकरण संसदको अपमान भएको निष्कर्ष निकालेको छ। पार्टी मुख्यालय च्यासलमा शुक्रबार बसेको एमाले सचिवालयको बैठकले नागरिकता विधेयक प्रमाणीकरण संविधानको उल्लंघन र संसदको अपमान भएको निष्कर्ष निकालेको हो।
एमालेले मन्त्रिपरिषद्को सिफारिसमा राष्ट्रपतिले नागरिकता विधेयक प्रमाणीकरण गर्नु संविधान, कानुन र संसदीय मान्यता विपरीत भएको बताएको छ।
तत्कालीन राष्ट्रपति विद्यादेवी भण्डारीले संवैधानिक समयसीमा भित्र उक्त प्रमाणीकरण गरेकी थिइनन्। एमालेले तत्कालीन राष्ट्रपतिले प्रमाणीकरण नगरेपछि नागरिकता विधेयक निष्क्रिय भइसकेको बताउँदै एमालेले नयाँ संसद् आइसकेको अवस्थामा विधेयक प्रमाणीकरण गर्नु संसदको अपमान भएको बताएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
