काठमाडौं– नेपाली बजारमा पहेँलो धातु (सुन)को मूल्य एकपछि अर्को नयाँ रेकर्ड राख्नेगरी बढेको छ। साप्ताहिक कारोबारको अन्तिम दिन आज (शुक्रबार) तोलामा ८०० रुपैयाँले बढेर सुनको मूल्य हाल सम्मकै महङ्गो भएको छ।
शुक्रबार छापावाल सुनको मूल्य प्रतितोला १ लाख १३ हजार ३०० रुपैयाँ पुगेको छ। यस्तै, तेजाबी सुनको मूल्य प्रतितोला १ लाख १२ हजार ७५० रुपैयाँ कायम भएको छ।
गत बुधबार तोलामा १ हजार ५०० रुपैयाँले बढेपछि छापावाल सुन प्रतितोला १ लाख १२ हजार पुगेको थियो। त्यसपछि बिहीबार पनि सुनको मूल्य ५०० रुपैयाँले बढेको थियो।
बिहीबार छापावाल सुन प्रतितोला १ लाख १२ हजार ५०० रुपैयाँ र तेजाबी सुन प्रतितोला १ लाख ११ हजार ९५० रुपैयाँमा किनबेच भएको थियो।
शुक्रबार चाँदीको मूल्य पनि तोलामा २५ रुपैयाँले बढेर प्रतितोला १ हजार ४३५ रुपैयाँ पुगेको छ। बिहीबार चाँदी प्रतितोला १ हजार ४१० रुपैयाँमा किनबेच भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
