पेस्तोल देखाएर दिनदहाडै महोत्तरीको एनएमबी बैंक लुटियो [भिडियो सहित]

सुरक्षा/अपराध

नेपाल लाइभ मंगलबार, जेठ १६, २०८० १५:४२

काठमाडौं– पेस्तोल देखाएर दिनदहाडै एनएमबी बैंकको महोत्तरी शाखामा लुटपाट भएको छ।

मंगलबार दिउँसो साढे १२ बजे ४ जनाको समूहले पेस्तोल ताक्दै लुटपाट गरेको जिल्ला प्रहरी कार्यालयका डीएसपी तथा प्रवक्ता दिलिप गिरीले बताए।

बैंकका अनुसार ३८ लाख रुपैयाँ लुटपाट भएको छ। ४ जनाको समूहमा आएका व्यक्तिहरुले प्रहरीलाई खबर गोली ठोक्ने धम्की दिँदै लुटपाट गरेका हुन्। अहिलेसम्म प्रहरीले एक जनालाई पनि पक्राउ गरेको छैन।

लुटपाट गर्नेहरुको खोजीकार्य जारी रहेको डीएसपी गिरीले बताए। लुटपाट भएको सीसीटभी फुटेजसमेत बाहिरिएको छ। उक्त फुटेजमार्फत् लुटपाट गर्नेहरुको खोजी भइरहेको प्रहरीले जनाएको छ। लुटपाट गर्ने आएकाहरु सबैले हातमा पेस्तोल बोकेका थिए।

उनीहरुले मुखमा पट्टी बाँधेका छन्। भने बैंकबाट पोको बोकेर बाहिर निस्केको फुटेजसमेत देखिन्छ। लुटपाट हुँदा बैंकमा सर्वसाधारण रहेको फुटेजमा देखिन्छ। तर उनीहरुले भने लुटपाटको दृश्य हेरिमात्र रहेका हुन्छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

परराष्ट्रमन्त्री आज स्वदेश फर्किँदै

एनपीएलमा सट्टेबाजी गरेको आरोपमा थप दुई भारतीय पक्राउ

शीतलनिवासमा पाँच राजदूतले लिए सामूहिक शपथ