काठमाडौं–नेपाली नागरिकलाई भुटानी शरणार्थी बनाएर ठगी गरिएको प्रकरणकी फरार अभियुक्त लक्ष्मी महर्जन पक्राउ परेकी छिन्।
महर्जनलाई पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता सिताराम रिजालले जानकारी दिए। योसँगै यो प्रकरणमा पक्राउ पर्नेको संख्या १७ पुगेको छ। यसअघि १६ जनालाई पक्राउ गर्दै बाँकी १४ जनालाई फरार प्रतिवादी नबाएर जिल्ला अदालत काठमाडौंमा मुद्दा दायर गरिएको थियो।
लक्ष्मीको खातामा ठगीको रकम जम्मा गरेको भेटिएपछि प्रहरीले उनलाई पनि प्रतिवादी बनाएको थियो।
पक्राउ परेका अभियुक्तहरुको शुक्रबारबाट बयान सुरु गरिएको छ। केशव दुलाल र सागर राईको बयान शुक्रबार नै सकाउने तयारी अदालतले गरेको छ।
न्यायाधीश प्रेमप्रसाद न्यौपानेको इजलामा यी दुईको बयान भइरहेको छ। दुलाल यो ठगी प्रकरणका मुख्य बिचौलिया रहेको पाइएको छ। पूर्ववडाध्यक्ष समेत रहेका राई पनि यो ठगी प्रकरणमा बिचौलिया रहेको खुलेपछि पक्राउ गरिएको थियो। अहिले उनीहरु दुबैको बयान भइरहेको छ। शुक्रबार नै यी दुईको बयान सक्ने तयारी रहेको अदालतले जनाएको छ।
गोलाप्रथा गर्दा न्यायाधीश न्यौपानेको इजलासमा पेशी परेको थियो। पक्राउ परेको सबै १६ अभियुक्तको बयानपछि थुनछेक बहस हुनेछ। थुनछेक बहसका लागि ४ जना सरकारी वकिलले तयारी गरिरहेका छन् भने प्रतिवादीका तर्फबाट ५० भन्दा धेरै कानुन व्यवसायी हुने देखिएको छ।
उनीहरूले पूर्पक्षका लागि थुनामा राख्न नहुने तर्कसहित बहस गर्नेछन्। उनीहरूको बहसपछि न्यायाधीश न्यौपानेले धरौटीमा रिहा गर्ने कि थुनामा पठाउने निर्णय गर्नेछन्।
थुनछेक पछि जिल्ला अदालतले फरार रहेकाहरुको हकमा म्याद जारी गर्ने छ। उनीहरूको म्याद तामेली भएसँगै उनीहरूको हकमा पनि थुनछेक बहस हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775612045.png)
-1764146706.png)
-1775575666.png)
