काठमाडौं– मोरङमा ३६ किलो चाँदी र २० किलो सुन चोरी भएको घटनामा संलग्न भएको आरोपमा प्रहरीले तीन जनालाई पक्राउ गरको छ। पक्राउ पर्नेहरुमा विराटनगर महानगरपालिका–१२ का २१ वर्षीय राजकुमार कामत, सोही ठाउँका १९ वर्षीय विवेक कामत र २२ वर्षीय श्रीकान्त दास छन्।
जेठ ३ गते विराटनगर–३ पिपलचोकस्थित जयकिशोरी चौधरीको घरमा चोरीको भएको भन्दै पौन १० बजे प्रहरी कन्ट्रोल १०० मा फोन आएको थियो।
जानकारी प्राप्त हुनासाथ सादा पोषाकमा तथा घटनास्थल मुचुल्कालगायत प्रारम्भिक अनुसन्धानको लागि तत्कालै प्रहरी निरीक्षकको कमाण्डमा प्रहरी टोलीको परिचालन गरिएको थियो।
चौधरीको घरबाट २० तोला सुन (अन्दाजी मूल्य २० लाख) र ३६ किलो चाँदी (अन्दाजी मूल्य ४१ लाख) गरी जम्मा ६१ लाख बराबरको चोरी भएको थियो। पीडित जय किशोर चौधरी र खाँ ज्वेलर्सका सञ्चालक ज्योती प्रसाद खाँले सुन चाँदीको कारोबार अन्तर साझेदारीमा गर्ने गरेका थिए जस कारणले उक्त सामानहरु जय किशोर चौधरीको घरमा राख्ने गरेको प्रहरी अनुसन्धानबाट खुलेको थियो।
चोरीको अनुसन्धान कार्यको लागि जिल्ला प्रहरी कार्यालय मोरङबाट छुट्टै ८ जनाको टोली परिचालन गरिएको थियो। अनुसन्धान गर्ने टोलीले विगत ७ दिनदेखि यस घटनालाई सुक्ष्म तवरले अनुसन्धान गर्दै सूचना सकंलन गर्ने तथा निगरानी गर्ने काम गर्दै आएको थियो।
कारागार कार्यालय मोरङ र बाल सुधार गृह मोरङबाट कैद भुक्तान गरेका तथा छुटेका प्रत्येक व्याक्तिहरुको सुक्ष्म तरिकाले अनुसन्धान गरिएको थियो। उनीहरु तीन जनालाई प्रहरीले पक्राउ गरेको हो। पक्राउ परेकाहरु छिमेकी हुन्। उनीहरुले पहिलेदेखि नै चोरीको काम गर्दै आएको, पटक–पटक चोरी मुद्दामासमेत पक्राउ परेको पाइएको छ। उनीहरुले योजना बनाएर जेठ ३ गते पीडितको घरमा विवेक कामत र श्रिकान्त दास चोरी गर्न गएका थिए।
चोरी कार्यमा संलग्न रहेका उनीहरुलाई जेठ १० गते राति कोशी प्रोजेक्टस्थित सडक खण्डमा पक्राउ गरिएको प्रहरीले जनाएको छ। दुई वटा कालो भिर्ने ब्यागमा चाँदीको सामान राखेर भारततर्फ जाने क्रममा उनीहरुलाई पक्राउ गरिएको हो।
चोरी गरेको सुन भारतको जोगवनीमा ७ लाखमा बेचेको कुरा अनुसन्धानबाट खुल्न आएको छ। चोरी पश्चात हाटखोलास्थित दिव्यरत्न होटेलमा ३ दिन बसेको र त्यसपश्चात भारततिर गएको अनुसन्धानबाट खुलेको छ। उनीहरु विगतमासमेत चोरीको मुद्दामा उनीहरु संलग्न रहेकोले हाल अन्य घरमा चोरी भएका घटनाको सम्बन्धमासमेत अनुसन्धान भइरहेको मोरङ प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
