नेपाललाई छैटौं सफलता, गुलसन लिए विकेट

क्रिकेट

नेपाल लाइभ सोमबार, वैशाख १८, २०८० ११:२९

काठमाडौं– एसीसी पुरुष प्रिमियर कप क्रिकेटको फाइनल खेलमा युएईले छैटौं विकेट गुमाएको छ। नेपालका गुलसन झाले व्यक्तिगत पहिलो विकेट लिने क्रममा यूएईका छैटौं ब्याटरलाई बोल्डआउट गरे।

गुलसनले युएईका वासिद हमीदलाई बोल्डआउट गरे। पहिलो ओभर बलिङ गर्न आएका गुल्सनले ४ रन दिँदै १ विकेट लिएका हुन्।

टस हारेर पहिले ब्याटिङ गरेको युएईले २३ ओभरमा ६ विकेट गुमाएर ९२ रन बनाएको छ। नेपालले लगातार विकेट लिएपछि युएई अप्ठारोमा परेको छ। वर्षाले खेल रोकिनु अगाडिसम्म नेपालका लागि करण केसीले २ तथा सन्दीप लामिछाने, ललित राजवंशी र सोमपाल कामीले १–१ विकेट लिएका थिए।

नेपालको कसिलो बलिङसामू यूएईका ब्याटरहरु निरिह देखिए। नेपालले पहिलो महत्त्वपूर्ण विकेट लिँदा यूएईका कप्तान तथा ओपनर मुहम्मद वासीम ११ रन बनाएर आउट भए। वासीमलाई सोमपाल कामीले ललित राजवंशीबाट क्याचआउट गराए।

नेपालका करण केसीले व्यक्तिगत पहिलो विकेट लिँदै वृत्य अरविन्दलाई आसिफ शेखबाट क्याचआउट गराए। कप्तान वसीमपछि क्रिजमा आएका वृत्य अरविन्द मात्र ८ रन बनाएर पेभेलियन फर्किए।

करणले टिमका लागि तेस्रो तथा व्यक्तिगत दोस्रो विकेट लिने क्रममा यूएईका आर्यन लाक्रालाई आरिफ शेखबाट क्याचआउट गराए। यूएईका ओपनर ब्याट्सम्यान लाक्रा २८ बलमा १३ रन बनाएर आठौं ओभरको पहिलो बलमा क्याचआउट भए।

नेपाललाई चौथो सफलता दिलाउने क्रममा ललित राजवंशीले रामीज शहजादलाई गुलसन झाबाट क्याचआउट गराएका थिए। ५ बल सामना गरेका शहजाद मात्र १ रन बनाएर पेभेलियन फर्किए।१३औं ओभरको पहिलो बलमा सन्दीपले यूएईका रोहन मुस्तफालाई कुशल मल्लबाट क्याचआउट गराए। १५ बलको सामना गरेका रोहन मात्र २ रन बनाएर पेभेलियन फर्किए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

अमेरिकाका लियो चौधौँ २६७औँ पोप निर्वाचित

भारतीय राजदूतले प्रधानमन्त्रीलाई भेटेर भने: आतंकवादीविरुद्धको समर्थनका लागी धन्यवाद

सुशासन कस्तो हुन्छ २०८४ पछि देखाउँछौं :रास्वपा